ബേബി സ്റ്റോറില് ഹര്ദിക് പാണ്ഡ്യയും വിരാട് കോഹ്ലിയും; കോവിഡ് പ്രോട്ടോക്കോള് മറികടന്നിരുന്നതായി റിപ്പോര്ട്ട്
മെല്ബണ്: രോഹിത് ശര്മ, റിഷഭ് പന്ത് എന്നിവരുടെ മെല്ബണ് റെസ്റ്റോറന്റിലേക്കുള്ള വരവ് സൃഷ്ടിച്ച അലയൊലികള് ഇതുവരെ അവസാനിച്ചിട്ടില്ല. അതിനിടയില് ഡിസംബറില് മറ്റൊരു കോവിഡ് പ്രോട്ടോക്കോള് ലംഘനം കൂടി നടന്നിരുന്നതായാണ് റിപ്പോര്ട്ടുകള്.
ഇവിടെ വിരല് നീളുന്നത് ഇന്ത്യന് നായകന് വിരാട് കോഹ്ലിയിലേക്കും, ഹര്ദിക് പാണ്ഡ്യയിലേക്കുമാണ്. ഡിസംബര് ഏഴിന് വിരാട് കോഹ് ലിയും, ഹര്ദിക് പാണ്ഡ്യയും സിഡ്നിയിലെ ഒരു ബേബി ഷോപ്പില് എത്തിയിരുന്നു. അച്ഛനാവാന് പോവുന്ന കോഹ്ലി ഇവിടെ നിന്ന് കുഞ്ഞിനായി നിരവധി സാധനങ്ങള് വാങ്ങിയെന്നാണ് റിപ്പോര്ട്ടുകള്.
ഇതിനൊപ്പം ഷോപ്പിലെ ജീവനക്കാര്ക്കൊപ്പം നിന്ന് ഫോട്ടോയെടുത്തിരുന്നു. ഷോപ്പിലേക്ക് എത്തിയ ഇരുവരുടേയും നടപടി കോവിഡ് പ്രോട്ടോക്കോളിന്റെ ലംഘനമാണെന്ന് ഓസ്ട്രേലിയന് മാധ്യമമായ ദി ഏജ് റിപ്പോര്ട്ട് ചെയ്യുന്നു. സ്റ്റോറിനുള്ളില് മാസ്ക് ധരിക്കാതെയാണ് കോഹ് ലിയും ഹര്ദിക്കും നിന്നിരുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ