ഹര്‍ദിക് പാണ്ഡ്യയുടേയും ക്രുനാലിന്റേയും പിതാവ് അന്തരിച്ചു

ബറോഡയ്ക്ക് വേണ്ടി സയിദ് മുഷ്താഖ് അലി ട്രോഫിയില്‍ ഇനിയുള്ള മത്സരങ്ങള്‍ ക്രുനാല്‍ കളിക്കില്ല
ഹര്‍ദിക് പാണ്ഡ്യ, ക്രുനാല്‍ പാണ്ഡ്യ/ഫയല്‍ ചിത്രം
ഹര്‍ദിക് പാണ്ഡ്യ, ക്രുനാല്‍ പാണ്ഡ്യ/ഫയല്‍ ചിത്രം

ന്യൂഡല്‍ഹി: ഇന്ത്യന്‍ ക്രിക്കറ്റ് താരങ്ങളായ ഹര്‍ദിക് പാണ്ഡ്യയുടേയും ക്രുനാല്‍ പാണ്ഡ്യയുടേയും പിതാവ് അന്തരിച്ചു. ഹൃദയാഘാതത്തെ തുടര്‍ന്ന് ശനിയാഴ്ച രാവിലെയോടെയായിരുന്നു അന്ത്യം. 

ഏകദിന പരമ്പരയ്ക്ക് ശേഷം ഓസ്‌ട്രേലിയയില്‍ നിന്ന് ഹര്‍ദിക് നാട്ടില്‍ എത്തിയിരുന്നു. സയിദ് മുഷ്താഖ് അലി ട്രോഫിയില്‍ ബറോഡയെ നയിക്കുകയാണ് ക്രുനാല്‍. പിതാവിന്റെ വിയോഗത്തെ തുടര്‍ന്ന് കുടുംബാംഗങ്ങള്‍ക്കൊപ്പം ചേരാനായി ക്രുനാല്‍ ബയോ ബബിളില്‍ നിന്ന് പുറത്തു വന്നു. 

ബറോഡയ്ക്ക് വേണ്ടി സയിദ് മുഷ്താഖ് അലി ട്രോഫിയില്‍ ഇനിയുള്ള മത്സരങ്ങള്‍ ക്രുനാല്‍ കളിക്കില്ല. സീസണില്‍ മൂന്ന് മത്സരങ്ങളിലാണ് ക്രുനാല്‍ ബറോഡയെ നയിച്ചത്. നാല് വിക്കറ്റും സ്വന്തമാക്കി. ഉത്തരാഖണ്ഡിന് എതിരെ ആദ്യ മത്സരത്തില്‍ ക്രുനാല്‍ 76 റണ്‍സും നേടിയിരുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com