ന്യൂഡൽഹി: ഓസ്‌ട്രേലിയയ്‌ക്കെതിരായ അവസാന ടെസ്റ്റിൽ ബൗണ്ടറിയിലൂടെ ഋഷഭ് പന്ത് ഇന്ത്യയ്ക്കായി വിജയ റൺ നേടിയതാണ് തന്റെ ജീവിതത്തിലെ ഏറ്റവും പ്രിയപ്പെട്ട നിമിഷമെന്ന് വാഷിങ്ടൺ സുന്ദർ. ഗാബയിൽ ഇന്ത്യൻ കൊടിയും പിടിച്ച് നടന്നത് ജീവിതത്തിൽ ഒരിക്കലും മറക്കാനാവില്ലെന്നും സുന്ദർ പറഞ്ഞു.
'ഋഷഭും ഞാനും അണ്ടർ 19 ഇന്ത്യൻ ടീമിൽ ഒരുമിച്ച് കളിച്ചിട്ടുണ്ട്. പന്ത് തകർപ്പൻ ബാറ്റങ് ആണ് കാഴ്ചവച്ചത്, നമുക്ക് മുന്നേറ്റത്തിന് അവസരമൊരുക്കിയതും അതാണ്. പന്ത് നേടിയ വിജയറൺ എന്റെ ജീവിതത്തിലെ ഏറ്റവും മികച്ച നിമിഷമാണ്. ഇന്ത്യൻ കൊടിയും പിടിച്ച് ഗാബയിൽ നടന്നത് ജീവിതത്തിൽ ഒരിക്കലും മറക്കാനാവില്ല', 21കാരനായ സുന്ദർ പറഞ്ഞു.
ഓസിസിനെതിരായ നാലാം ടെസ്റ്റിൽ അരങ്ങേറ്റം കുറിച്ച വാഷിങ്ടൺ സുന്ദർ 84 റൺസും 4 വിക്കറ്റുകളുമാണ് നേടിയത്. രണ്ടാമിന്നിങ്‌സിൽ പന്തിനൊപ്പം ആറാം വിക്കറ്റിൽ 53 റൺസിന്റെ നിർണായക കൂട്ടുകെട്ടാണ് താരം പടുത്തുയർത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
