ഫുട്‌ബോള്‍ മത്സരത്തിന് പിന്നാലെ കളിക്കളത്തില്‍ വച്ച് കാമുകിയോട് പ്രണയം തുറന്നുപറഞ്ഞ് അമേരിക്കന്‍ ഫുട്‌ബോളര്‍ ഹസാനി ഡോട്‌സണ്‍ സ്റ്റീഫെന്‍സണ്‍. ഹസാനിയുടെ ക്ലബ്ബായ മിന്നെസോട്ട എഫ് സി എംഎല്‍എസ് (മേജര്‍ ലീഗ് സോക്കര്‍) പോരാട്ടത്തില്‍ സമനില നേടിയ ശേഷമായിരുന്നു പ്രണയാഭ്യര്‍ത്ഥന. മത്സരശേഷം കാമുകിക്കു മുന്നില്‍ മുട്ടുകുത്തി മോതിരം ഉയര്‍ത്തികാണിക്കുകയായിരുന്നു ഹസാനി.
കാണികള്‍ ആരവം മുഴക്കിയപ്പോള്‍ പെട്രാ കോവിക് സമ്മതം മൂളി. സംഭവത്തിന്റെ വിഡിയോയും ചിത്രങ്ങളും ഹസാനി ഇന്‍സ്റ്റഗ്രാമില്‍ പങ്കുവച്ചു. താന്‍ അനുഭവിക്കുന്ന സന്തോഷം പറഞ്ഞറിയിക്കാന്‍ വാക്കുകളില്ലെന്നും ഹസാനിയുടെ പ്രണയം അനുഗ്രഹമാണെന്നുമാണ് പെട്ര കുറിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
