ഇന്ത്യയെ അഭിമാന നേട്ടത്തിലേക്ക് എത്തിച്ചതിന് പിന്നാലെ പിസ, ഐസ്‌ക്രീം കഴിക്കണം എന്ന ആഗ്രഹമായിരുന്നു മീരാബായി ചാനു പങ്കുവെച്ചത്. ചാനുവിന്റെ പ്രതികരണം വന്നതിന് പിന്നാലെ ജീവതകാലം മുഴുവന്‍ പിസ ഓഫര്‍ ചെയ്താണ് ഡൊമിനോസ് ഇന്ത്യയുടെ വരവ്.
49 കിലോഗ്രാം ഭാരോദ്വഹനത്തില്‍ വെള്ളിയില്‍ മുത്തമിട്ടാണ് ടോക്യോയിലെ ഇന്ത്യയുടെ മെഡല്‍ നേട്ടത്തിന് ചാനു തുടക്കമിട്ടത്. ഏറെ നാളത്തെ കഠിനാധ്വാനത്തിന്റെ ഫലം ലഭിച്ച് കഴിഞ്ഞതോടെ ഇനിയെന്ത് എന്ന ചോദ്യത്തിന്, എനിക്ക് പിസ, ഐസ്‌ക്രീം കഴിക്കണം. ഒരുപാട് നാളായി ഞാനത് എല്ലാം കഴിച്ചിട്ട് എന്നാണ് ചാനു പ്രതികരിച്ചത്.
മെഡല്‍ നേട്ടത്തിന് അഭിനന്ദനം. കോടിക്കണക്കിന് ഇന്ത്യക്കാരുടെ സ്വപ്‌നങ്ങള്‍ക്ക് നിങ്ങള്‍ ജീവന്‍ നല്‍കി. ജീവതകാലം മുഴുവന്‍ നിങ്ങള്‍ക്ക് പിസ നല്‍കുന്നതിലെ സന്തോഷം ഞങ്ങള്‍ക്കും അടക്കാനാവുന്നില്ല, ഡൊമിനോസ് ഇന്ത്യ ട്വിറ്ററില്‍ കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
