ഹീറ്റിൽ രണ്ടാമതെത്തി; പക്ഷേ, സെമി കാണാതെ മലയാളി താരം സജൻ പ്രകാശ് പുറത്ത്; 100 മീറ്റർ ബട്ടർഫ്ലൈയിലും നിരാശ 

ഹീറ്റിൽ രണ്ടാമതെത്തി; പക്ഷേ, സെമി കാണാതെ മലയാളി താരം സജൻ പ്രകാശ് പുറത്ത്; 100 മീറ്റർ ബട്ടർഫ്ലൈയിലും നിരാശ 
ഫോട്ടോ: ട്വിറ്റർ
ഫോട്ടോ: ട്വിറ്റർ

ടോക്യോ: ഒളിംപിക്സ് നീന്തലിൽ മലയാളി താരം സജൻ പ്രകാശിന് നിരാശ തന്നെ. 100 മീറ്റർ ബട്ടർഫ്ലൈ പോരാട്ടത്തിൽ നിന്ന് സജൻ പുറത്തായി. രണ്ടാം ഹീറ്റ്സിൽ രണ്ടാം സ്ഥാനത്തെത്തിയിട്ടും സെമി ഫൈനൽ യോ​ഗ്യതയ്ക്കുള്ള മികച്ച 16 താരങ്ങളുടെ പട്ടികയിൽ ഇടംപിടിക്കാതെ പോയതാണ് സജന് തിരിച്ചടിയായത്. നേരത്തെ 200 മീറ്റർ ബട്ടർഫ്ലൈ പോരാട്ടത്തിലും താരം സെമി ഫൈനലിലെത്താതെ പുറത്താവുകയായിരുന്നു. 

ആകെ എട്ട് ഹീറ്റ്സാണ് മത്സരം. അതിൽ റണ്ടാം ഹീറ്റ്സിലാണ് സജൻ മത്സരിച്ചത്. മികച്ച സമയത്തോടെ താരം രണ്ടാം സ്ഥാനത്ത് ഫിനിഷും ചെയ്തു. 53.45 സെക്കൻഡിലാണ് മലയാളിം താരം ഫിനിഷ് ചെയ്തത്. എട്ട് ഹീറ്റ്സുകൾ പൂർത്തിയായപ്പോൾ സജന് അവസാന 16ൽ ഇടം ഇല്ലാതെ പോയി. 

നേരത്തെ 200 മീറ്റർ ബട്ടർഫ്‌ളൈ പോരാട്ടത്തിലും സെമിയിൽ എത്താൻ കഴിയാതെ സജൻ പുറത്തായിരുന്നു. 200 മീറ്റർ ഹീറ്റിൽ നാലാം സ്ഥാനത്താണ് താരം ഫിനിഷ് ചെയ്തത്. എന്നാൽ അന്തിമ പട്ടികയിലേക്ക് കയറാൻ അവിടെയും മലയാളി താരത്തിന് സാധിക്കാതെ പോയി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com