ബാറ്റിങ് പൊസിഷന്‍ ഏതുമായിക്കോട്ടെ, ഞാനായിരിക്കും ഏറ്റവും മികച്ച താരം: ക്രിസ് ഗെയ്ല്‍

അഞ്ചാം നമ്പറിലെ ലോകത്തിലെ ഏറ്റവും മികച്ച ബാറ്റ്‌സ്മാനാവും. ലോകത്തിലെ ഏറ്റവും മികച്ച മൂന്നാം നമ്പറുകാരനുമാവും ഞാന്‍
ക്രിസ് ഗെയ്ല്‍/ ഫയല്‍ ചിത്രം
ക്രിസ് ഗെയ്ല്‍/ ഫയല്‍ ചിത്രം

സെന്റ് ജോണ്‍: ബാറ്റിങ് പൊസിഷന്‍ ഏതായാലും ലോകത്തിലെ ഏറ്റവും മികച്ച ബാറ്റ്‌സ്മാനായിരിക്കും താനെന്ന് വെസ്റ്റ് ഇന്‍ഡീസ് താരം ക്രിസ് ഗെയ്ല്‍. ഏത് ബാറ്റിങ് പൊസിഷനില്‍ കളിക്കാനും താന്‍ അനുയോജ്യനാണെന്ന് ഗെയ്ല്‍ പറയുന്നു. 

ഇപ്പോള്‍ മൂന്നാം സ്ഥാനത്തെ സ്‌പെഷ്യലിസ്റ്റിനെ പോലെയാണ് ഞാന്‍. അനില്‍ കുംബ്ലേയാണ് ആ റോള്‍ ഏറ്റെടുക്കാന്‍ പറഞ്ഞത്. ഐപിഎല്‍ ആരംഭിക്കുന്നതിന് മുന്‍പ് അദ്ദേഹം ഇത് പറഞ്ഞിരുന്നു. ബാറ്റിങ് പൊസിഷന്‍ മാറ്റം എനിക്കൊരു പ്രശ്‌നവും ഇല്ലാത്ത കാര്യമാണ്. മായങ്കും, രാഹുലും ഓപ്പണിങ്ങില്‍ മികവ് കാണിച്ചപ്പോള്‍ മൂന്നാം സ്ഥാനത്ത് എന്നെ ഇറക്കി അവര്‍ പരീക്ഷണം നടത്തി, ഗെയ്ല്‍ പറയുന്നു. 

സ്പിന്നിന് എതിരെ കളിക്കുന്നതില്‍ എനിക്ക് മികവുണ്ട്. വിന്‍ഡിസ് ക്രിക്കറ്റിലേക്ക് എത്തുമ്പോള്‍ ഏത് റോളാണോ അവര്‍ നല്‍കുന്നത് അത് ഏറ്റെടുക്കാന്‍ ഞാന്‍ തയ്യാറാണ്. ഓപ്പണിങ്ങില്‍, മൂന്നാമത്, അഞ്ചാമത് എല്ലാം കളിക്കാന്‍ എനിക്കിണങ്ങും. അഞ്ചാം നമ്പറിലെ ലോകത്തിലെ ഏറ്റവും മികച്ച ബാറ്റ്‌സ്മാനാവും. ലോകത്തിലെ ഏറ്റവും മികച്ച മൂന്നാം നമ്പറുകാരനുമാവും ഞാന്‍.

മൂന്ന് ടി20 ലോക കിരീടങ്ങള്‍ എന്നത് തന്നെയാണ് എന്റെ ലക്ഷ്യം. ടി20 ലോക കിരീടം നേടുക എന്ന ലക്ഷ്യമാണ് ഇപ്പോള്‍ എന്റെയുള്ളിലുള്ളത്. ഇനി വരുന്ന ടി20 പരമ്പരകളില്‍ ആധിപത്യം പുലര്‍ത്താന്‍ ശ്രമിക്കും. ലോകകപ്പ് അകലെയാണെന്ന് തോന്നും. പക്ഷേ കണ്ണടച്ച് തുറക്കുമ്പോഴേക്കും അടുത്തെത്തും. അതിനാല്‍ ഊര്‍ജം നിലനിര്‍ത്തി, ഫിറ്റ്‌നസോടെ ഒരുങ്ങാനാവണം എന്നും ഗെയ്ല്‍ പറഞ്ഞു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com