'എനിക്ക് ശ്രീശാന്തിനെ പോലെയാവണ്ട'; 7 വര്‍ഷം മുന്‍പത്തെ നവ്ദീപ് സെയ്‌നിയുടെ കമന്റ് വൈറല്‍

ജൂനിയര്‍ ശ്രീശാന്ത് എന്ന ആരാധകന്റെ കമന്റിന് സെയ്‌നി നല്‍കിയ മറുപടിയാണ് ചര്‍ച്ചയാവുന്നത്
നവ്ദീപ് സെയ്‌നി, എസ് ശ്രീശാന്ത്/ഫോട്ടോ: പിടിഐ
നവ്ദീപ് സെയ്‌നി, എസ് ശ്രീശാന്ത്/ഫോട്ടോ: പിടിഐ

അഹമ്മദാബാദ്: ഏഴ് വര്‍ഷം മുന്‍ഫ് തന്റെ ഫെയ്‌സ്ബുക്ക് പോസ്റ്റില്‍ ഇന്ത്യന്‍ പേസര്‍ നവ്ദീപ് സെയ്‌നി ആരാധകര്‍ക്ക് നല്‍കിയ കമന്റ് വീണ്ടും ചര്‍ച്ചയാവുന്നു. ജൂനിയര്‍ ശ്രീശാന്ത് എന്ന ആരാധകന്റെ കമന്റിന് സെയ്‌നി നല്‍കിയ മറുപടിയാണ് ചര്‍ച്ചയാവുന്നത്. 

ട്രോഫിയുമായി നില്‍ക്കുന്ന ഫോട്ടോയാണ് നവ്ദീപ് സെയ്‌നി 2013ല്‍ പോസ്റ്റ് ചെയ്തത്. ഫോട്ടോയ്ക്ക് അടിയില്‍ താരത്തെ പുകഴ്ത്തി നിരവധി കമന്റുകളാണ് വന്നത്. അവയിലൊന്ന് ജൂനിയര്‍ ശ്രീശാന്ത് എന്ന് പറഞ്ഞുള്ളതായിരുന്നു. എനിക്ക് ശ്രീശാന്ത് ആവാന്‍ ആഗ്രഹമില്ല, ബ്രെറ്റ് ലീ ആവാനാണ് മോഹമെന്നാണ് സെയ്‌നി ഇതിനടിയില്‍ വന്ന് കമന്റ് ചെയ്തത്. 

ഏഴ് വര്‍ഷത്തിന് ശേഷം സെയ്‌നിയുടെ കമന്റ് വീണ്ടും സമൂഹമാധ്യമങ്ങളില്‍ വൈറലാവുകയാണ്. വിലക്കിന് ശേഷം ഈ വര്‍ഷമാണ് ശ്രീശാന്ത് ക്രിക്കറ്റിലേക്ക് മടങ്ങിയെത്തിയത്. കേരളത്തിനായി മുഷ്താഖ് അലി ട്രോഫിയിലും, വിജയ് ഹസാരെ ട്രോഫിയിലും ശ്രീശാന്ത് കളിച്ചു. ഐപിഎല്‍ താര ലേലത്തില്‍ പേര് രജിസ്റ്റര്‍ ചെയ്‌തെങ്കിലും ലേലത്തിനുള്ള അന്തിമ ചുരുക്കപ്പട്ടികയില്‍ ശ്രീശാന്തിന് ഇടം നേടാനായില്ല. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com