പാരിസ്: ഫ്രഞ്ച് ലീഗില് കളിക്കുന്നതിന് ഇടയില് പിഎസ്ജി ക്യാപ്റ്റന് മാര്ക്വിന്യോസിന്റേയും ഏയ്ഞ്ചല് ഡി മരിയയുടേയും വീടുകളില് കവര്ച്ച. നാന്റെസിനെതിരായ പിഎസ്ജിയുടെ ഹോം മത്സരം നടന്നുകൊണ്ടിരിക്കുമ്പോഴാണ് സംഭവം.
വീട്ടിലുണ്ടായിരുന്നവരെ ബന്ദികളാക്കിയിട്ടതിന് ശേഷമായിരുന്നു കവര്ച്ച. നാന്റെസിനെതിരായ മത്സരത്തിന്റെ 62ാം മിനിറ്റില് ഡി മരിയയെ കോച്ച് മൗറീസിയോ പോച്ചെറ്റിനോ തിരികെ വിളിച്ചത് ഇതിനെ തുടര്ന്നാണെന്ന് ഫ്രഞ്ച് കായിക ദിനപത്രമായ എല് എക്യുപ്പില് പറയുന്നു.
5,00000 യൂറോ വിലവരുന്ന ആഭരണങ്ങളും, വാച്ചുകളും ഉള്പ്പെട്ട സേഫ് മോഷ്ടാക്കള് കൈക്കലാക്കിയതായാണ് വിവരം.
കവര്ച്ച നടക്കുന്ന സമയം മാര്ക്വിന്യോസിന്റെ മാതാപിതാക്കള് വീട്ടിലുണ്ടായിരുന്നു. സംഭവത്തില് ആര്ക്കും പരിക്കില്ല. കവര്ച്ച സംബന്ധിച്ച അന്വേഷണം ആരംഭിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ