ഒറ്റ സെഞ്ച്വറി; മെച്ചപ്പെടുത്തിയത് എട്ട് സ്ഥാനങ്ങള്‍; വനിതാ റാങ്കിങില്‍ നേട്ടമുണ്ടാക്കി ഇന്ത്യയുടെ പൂനം റൗത്ത്

ഒറ്റ സെഞ്ച്വറി; മെച്ചപ്പെടുത്തിയത് എട്ട് സ്ഥാനങ്ങള്‍; വനിതാ റാങ്കിങില്‍ നേട്ടമുണ്ടാക്കി ഇന്ത്യയുടെ പൂനം റൗത്ത്
പൂനം റൗത്ത്/ ട്വിറ്റർ
പൂനം റൗത്ത്/ ട്വിറ്റർ

ദുബായ്: വനിതാ ഏകദിന റാങ്കിങില്‍ നേട്ടമുണ്ടാക്കി ഇന്ത്യന്‍ താരം പൂനം റൗത്ത്. ബാറ്റിങ് റാങ്കിങില്‍ പുതിയ പട്ടികയില്‍ 18ാം സ്ഥാനത്താണ് താരം എത്തിയത്. ഒറ്റയടിക്ക് എട്ട് സ്ഥാനങ്ങളാണ് താരം മെച്ചപ്പെടുത്തിയത്. 

അവസാനം കളിച്ച മൂന്ന് ഇന്നിങ്‌സുകളാണ് റൗത്തിന്റെ മുന്നേറ്റത്തിന് ബലമേകിയത്. 62, 77, 104 എന്നിങ്ങനെയായിരുന്നു താരം നേടിയ സ്‌കോറുകള്‍. 

റാങ്കിങിലെ ആദ്യ പത്തില്‍ രണ്ട് ഇന്ത്യന്‍ താരങ്ങളാണ് ഉള്ളത്. ഓപണര്‍ സ്മൃതി മന്ധാന ഏഴാം സ്ഥാനത്തും വെറ്ററന്‍ താരവും ക്യാപ്റ്റനുമായ മിതാലി രാജ് ഒന്‍പതാം സ്ഥാനത്തും നില്‍ക്കുന്നു. 

വൈസ് ക്യാപ്റ്റന്‍ ഹര്‍മന്‍പ്രീത് കൗര്‍ രണ്ട് സ്ഥാനങ്ങള്‍ മെച്ചപ്പെടുത്തി 15ാം സ്ഥാനത്തേക്ക് കയറി. ബൗളിങ് പട്ടികയിലും ഹര്‍മന്‍പ്രീത് കൗര്‍ നേട്ടമുണ്ടാക്കി. മൂന്ന് സ്ഥാനങ്ങള്‍ ഉയര്‍ന്ന് 49ല്‍ എത്തി. 

ബൗളര്‍മാരില്‍ ഇന്ത്യന്‍ രാജേശ്വരി ഗെയ്ക്‌വാദ് നാല് സ്ഥാനങ്ങള്‍ മെച്ചപ്പെടുത്തി 18ല്‍ എത്തി.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com