സച്ചിന് പിന്നാലെ യൂസഫ് പഠാനും കോവിഡ്
By സമകാലിക മലയാളം ഡെസ്‌ക്‌ | Published: 28th March 2021 10:00 AM |
Last Updated: 28th March 2021 10:00 AM | A+A A- |
സച്ചിന് ടെണ്ടുല്‍ക്കര്‍, യൂസഫ് പഠാന്/ഫോട്ടോ: ഫെയ്‌സ്ബുക്ക്‌
ന്യൂഡല്‍ഹി: ഇന്ത്യന്‍ മുന്‍ ക്രിക്കറ്റ് താരം യൂസഫ് പഠാന് കോവിഡ്. ശനിയാഴ്ച കോവിഡ് പോസിറ്റീവായ വിവരം സച്ചിന് അറിയിച്ചതിന് പിന്നാലെയാണ് യൂസഫ് പഠാനും കോവിഡ് സ്ഥിരീകരിച്ചത്.
റോഡ് സേഫ്റ്റി ലോക സീരീസില്‍ ഇന്ത്യന്‍ ലെജന്‍ഡ്‌സിന് വേണ്ടി ഇരുവരും ഒരുമിച്ച് കളിച്ചിരുന്നു. ചെറിയ ലക്ഷണങ്ങള്‍ മാത്രമാണുള്ളതെന്നും, വീട്ടില്‍ ക്വാറന്റൈനില്‍ കഴിയുകയാണെന്നും യൂസഫ് പഠാന് അറിയിച്ചു. താനുമായി സമ്പര്‍ക്കത്തില്‍ വന്നവര്‍ കോവിഡ് പരിശോധന നടത്തണമെന്നും യൂസഫ് ആവശ്യപ്പെട്ടു.
I've tested positive for COVID-19 today with mild symptoms. Post the confirmation, I have quarantined myself at home and taking all the necessary precautions and medication required.
— Yusuf Pathan (@iamyusufpathan) March 27, 2021
I would request those who came in contact with me to get themselves tested at the earliest.
റായ്പൂരിലായിരുന്നു റോഡ് സേഫ്റ്റി ലോക സീരീസ്. മാര്‍ച്ച് 21ന് നടന്ന ഫൈനലിലാണ് ശ്രീലങ്കന്‍ ലെജന്‍ഡ്‌സിനെ തോല്‍പ്പിച്ച് ഇന്ത്യന്‍ ലെജന്‍ഡ്‌സ് കിരീടം ചൂടിയത്. സച്ചിനും, പഠാന് സഹോദരങ്ങള്‍ക്കും പുറമെ, സെവാഗ്, യുവരാജ് സിങ്, മുഹമ്മദ് കൈഫ് എന്നിങ്ങനെ പല പ്രമുഖ മുന്‍ ഇന്ത്യന്‍ താരങ്ങളും ടീമിന്റെ ഭാഗമായി.
ശനിയാഴ്ച രാവിലെയോടെയാണ് സച്ചിന് തനിക്ക് കോവിഡ് സ്ഥിരീകരിച്ചതായി അറിയിച്ചത്. ചെറിയ ലക്ഷണങ്ങള്‍ മാത്രമാണ് തനിക്കുള്ളതെന്നും, വീട്ടില്‍ ക്വാറന്റൈനില്‍ കഴിയുകയാണെന്നും സച്ചിന് അറിയിച്ചു.
