ദുബായ്: ഐസിസിയുടെ വാർഷിക ഏകദിന റാങ്കിങ്ങിൽ ന്യൂസിലാൻഡ് ഒന്നാമത്. 2018 മെയ് ഒന്ന് മുതലുള്ള പ്രകടനം വിലയിരുത്തിയാണ് റാങ്ക് നിശ്ചയിച്ചത്.
ഇന്ത്യ, ഓസ്ട്രേലിയ എന്നീ ടീമുകളെ മറികടന്നാണ് വില്യംസണിന്റേയും കൂട്ടരുടേയും നേട്ടം. 121 പോയിന്റാണ് ഒന്നാം സ്ഥാനത്തേക്ക് എത്തിയ ന്യൂസിലാൻഡിനുള്ളത്. രണ്ടാമതുള്ള ഓസ്ട്രേലിയക്ക് 118 പോയിന്റും ഇന്ത്യക്ക് 115 പോയിന്റുമാണുള്ളത്. ഒരേ പോയിന്റാണെങ്കിലും കൂടുതൽ ജയം ഇന്ത്യക്കാണ് എന്നതിനാലാണ് ഇംഗ്ലണ്ട് നാലാം സ്ഥാനത്തേക്ക് ഇറങ്ങിയത്.
ടി20 വാർഷിക റാങ്കിങ്ങും ഐസിസി പുറത്തിറക്കിയിട്ടുണ്ട്. 277 പോയിന്റോടെ ഇംഗ്ലണ്ട് ആണ് ഒന്നാമത്. 272 പോയിന്റോടെ ഇന്ത്യ രണ്ടാം സ്ഥാനത്ത് നിൽക്കുന്നു. ന്യൂസിലാൻഡ് ആണ് ഇവിടെ മൂന്നാം സ്ഥാനത്ത്. വില്യംസനാണ് മികച്ച ടെസ്റ്റ് ബാറ്റ്സ്മാൻ. ട്രെന്റ് ബോൾട്ട് ബൗളറും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ