ആന ക്രിക്കറ്റ് കളിക്കുന്ന വീഡിയോ പങ്കുവെച്ചാണ് കഴിഞ്ഞ ദിവസം ഇംഗ്ലണ്ട് മുൻ നായകൻ മൈക്കൽ വോൺ ട്വിറ്ററിലെത്തിയത്. ഇവിടെ താരമാവുന്നത് മലയാളികൾ തന്നെ.
തുമ്പിക്കയ്യിൽ മടല് ബാറ്റായി പിടിച്ച് ചില തകർപ്പൻ ഷോട്ടുകൾ പായിക്കുകയാണ് ആന. ആനയ്ക്ക് ഉറപ്പായും ഇംഗ്ലീഷ് പാസ്പോർട്ട് ആയിരിക്കും എന്നാണ് വീഡിയോ പങ്കുവെച്ചുകൊണ്ട് വോൺ എഴുതുന്നത്.
പല രാജ്യാന്തര ക്രിക്കറ്റ് താരങ്ങളേക്കാളും നന്നായി കളിക്കുന്നു എന്ന് പറഞ്ഞ് ആനപ്രേമികളിൽ ഒരാളാണ് വീഡിയോ ട്വീറ്റ് ചെയ്തത്. ഇംഗ്ലണ്ട് മുൻ നായകനും സമൂഹമാധ്യമങ്ങളിലൂടെ പങ്കിട്ടതോടെ സംഭവം വൈറൽ. എന്നാൽ കേരളത്തിൽ എവിടെയാണ് സംഭവം എന്ന് വ്യക്തമായിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ