ന്യൂഡല്‍ഹി : ഇന്ത്യന്‍ മുന്‍ ക്രിക്കറ്റ് താരം ആര്‍ പി സിങ്ങിന്റെ പിതാവ് ശിവ് പ്രസാദ് സിങ് കോവിഡ് ബാധിച്ച് മരിച്ചു. ലക്‌നൗവിലെ ആശുപത്രിയില്‍ ചികിത്സയില്‍ കഴിയവെയാണ് ശിവ് പ്രസാദ് സിങിന്റെ മരണം. പിതാവിന്റെ മരണ വാര്‍ത്ത ആര്‍ പി സിങ് തന്നെയാണ് സമൂഹമാധ്യമങ്ങളിലൂടെ അറിയിച്ചത്.
'എന്റെ പിതാവ് ശിവ് പ്രസാദ് സിങ്ങിന്റെ മരിച്ച വിവരം ദുഃഖത്തോടെയും സങ്കടത്തോടെയും എല്ലാവരെയും അറിയിക്കുന്നു. നിങ്ങളുടെ പ്രാര്‍ഥനകളില്‍ എന്റെ പിതാവിനേയും ഓര്‍ക്കണമേയെന്ന് അഭ്യര്‍ഥിക്കുന്നു'. ആര്‍ പി സിങ് ട്വിറ്ററില്‍ കുറിച്ചു.
ആര്‍ പി സിങിന്റെ പിതാവിന്റെ നിര്യാണത്തില്‍ മുന്‍ ഇന്ത്യന്‍ താരങ്ങളായ ഇര്‍ഫാന്‍ പത്താനും പാര്‍ത്ഥിവ് പട്ടേലും അനുശോചിച്ചു. ഐപിഎലില്‍ രാജസ്ഥാന്‍ റോയല്‍സിനു കളിച്ച സൗരാഷ്ട്ര താരം ചേതന്‍ സാകരിയയുടെ പിതാവും മുന്‍ ഇന്ത്യന്‍ താരം പിയൂഷ് ചൗളയുടെ പിതാവും കഴിഞ്ഞ ദിവസം കോവിഡ് ബാധിച്ച് മരിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
