അബുദാബി: ഐപിഎല്ലില് സണ്റൈസേഴ്സ് ഹൈദരാബാദിനെതിരെ റോയല് ചാലഞ്ചേഴ്സ് ബാംഗ്ലൂരിന് 142 റണ്സ് വിജയലക്ഷ്യം. ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഹൈദരാബാദ് ഏഴു വിക്കറ്റ് നഷ്ടത്തില് 141 റണ്സെടുത്തു. 38 പന്തില് നിന്ന് അഞ്ചു ഫോറടക്കം 44 റണ്സെടുത്ത ജേസണ് റോയിയാണ് ഹൈദരാബാദിന്റെ ടോപ് സ്കോറര്.
ക്യാപ്റ്റന് കെയ്ന് വില്യംസന് (29 പന്തില് 31) റണ്സ് നേടി. ജേസണ് ഹോള്ഡര് (16), പ്രിയം ഗാര്ഗ് (15), അഭിഷേക് ശര്മ (13), വൃദ്ധിമാന് സാഹ (10) എന്നിങ്ങനെയാണ് മറ്റു സണ്റൈസേഴ്സ് താരങ്ങളുടെ പ്രധാന ബാറ്റിങ് പ്രകടനങ്ങള്. ബാംഗ്ലൂരിനായി ഹര്ഷല് പട്ടേല് മൂന്ന് വിക്കറ്റ് വീഴ്ത്തി. ഡാന് ക്രിസ്റ്റ്യന് രണ്ടും ജോര്ജ് ഗാര്ട്ടന്, യുസ്!വേന്ദ്ര ചെഹല് എന്നിവര് ഓരോ വിക്കറ്റ് വീതവും നേടി.
നേരത്തെ ടോസ് നേടിയ റോയല് ചലഞ്ചേഴ്സ് ബാംഗ്ലൂര് ബൗളിങ് തിരഞ്ഞെടുക്കുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ