ന്യൂഡല്ഹി: ഐപിഎല് പതിനാലാം സീസണില് പ്ലേഓഫ് കാണാതെ പുറത്തായതിന്റെ നിരാശയിലാണ് മുംബൈ ഇന്ത്യന്സ്. എന്നാല് താര ലേലത്തിന് മുന്പായി എതൊക്കെ കളിക്കാരെ മുംബൈ ഇന്ത്യന്സ് ടീമില് നിലനിര്ത്തും എന്ന ചോദ്യവും ഉയര്ന്ന് കഴിഞ്ഞു. ഇവിടെ മുംബൈ ഇന്ത്യന്സ് ടീമില് നിലനിര്ത്താന് സാധ്യതയുള്ള മൂന്ന് കളിക്കാരെ പ്രവചിക്കുകയാണ് മുന് താരം വീരേന്ദര് സെവാഗ്...
ഇഷാന് കിഷന്, രോഹിത് ശര്മ, ബൂമ്ര എന്നിവരെ മുംബൈ നിലനിര്ത്തും എന്നാണ് സെവാഗ് പ്രവചിക്കുന്നത്. ഫോമും പ്രായവും ഇഷാന് കിഷന് അനുകൂലമാണ്. ബൗള് ചെയ്യാതെ വിട്ടു നിന്നാല് ഹര്ദിക്കിന് താര ലേലത്തില് ഉയര്ന്ന തുക ലഭിക്കാന് സാധ്യത ഇല്ലെന്നും സെവാഗ് പറഞ്ഞു.
പരിക്കിന്റെ ഭീഷണിയില് ബൂമ്ര നില്ക്കുന്ന സാഹചര്യത്തില് താര ലേലത്തില് വലിയ തുക നല്കാന് ആരും തയ്യാറായേക്കില്ലെന്നാണ് സെവാഗ് ചൂണ്ടിക്കാണിക്കുന്നത്. ഹര്ദിക് ബൗള് ചെയ്യുമോ ഇല്ലയോ? ബൗള് ചെയ്യുമെന്ന് ഹര്ദിക് വ്യക്തമാക്കി കഴിഞ്ഞാല് ടീമുകള്ക്ക് മറ്റൊന്നും ആലോചിക്കാതെ ഹര്ദിക്കിനെ സ്വന്തമാക്കാം. ഹര്ദിക് പാണ്ഡ്യയേക്കാള് ഇഷാന് കിഷനെ മുംബൈ നിലനിര്ത്താനാണ് സാധ്യത എന്നും സെവാഗ് പറഞ്ഞു.
രോഹിത് ശര്മ, സൂര്യകുമാര് യാദവ്, ഹര്ദിക് പാണ്ഡ്യ, പൊള്ളാര്ഡ്, ബൂമ്ര എന്നിവരെ ഇനി ഒരുമിച്ച് മുംബൈ നിരയില് കാണാന് ആരാധകര്ക്ക് കഴിഞ്ഞേക്കില്ല. മൂന്ന് കളിക്കാരെ മാത്രമാണ് ഫ്രാഞ്ചൈസികള്ക്ക് ടീമില് നിലനിര്ത്താന് സാധിക്കുക.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ