ഋഷഭ് പന്തിന് ധോനിയുടെ വിക്കറ്റ് കീപ്പിങ് ഡ്രില്‍, വീഡിയോ വൈറല്‍

സന്നാഹ മത്സരത്തില്‍ ഇന്ത്യ ഓസ്‌ട്രേലിയക്ക് എതിരെ കളിക്കുന്ന സമയം ബൗണ്ടറി ലൈനിലായിരുന്നു പന്തിന്റെ വിക്കറ്റ് കീപ്പിങ് ഡ്രില്‍സ്
വീഡിയോ ദൃശ്യം
വീഡിയോ ദൃശ്യം

ദുബായ്: വിക്കറ്റ് കീപ്പിങ്ങില്‍ ഋഷഭ് പന്തിന് പരിശീലനം നല്‍കി ഇന്ത്യന്‍ ടീം മെന്റര്‍ എംഎസ് ധോനി. സന്നാഹ മത്സരത്തില്‍ ഇന്ത്യ ഓസ്‌ട്രേലിയക്ക് എതിരെ കളിക്കുന്ന സമയം ബൗണ്ടറി ലൈനിലായിരുന്നു പന്തിന്റെ വിക്കറ്റ് കീപ്പിങ് ഡ്രില്‍സ്. 

വിക്കറ്റിന് പിന്നില്‍ ഋഷഭ് പന്തിന് പകരം ഇഷാന്‍ കിഷനെയാണ് ഇന്ത്യ ഓസ്‌ട്രേലിയക്ക് എതിരെ ഇറക്കിയത്. കളിയില്‍ ഏതാനും മിനിറ്റ് മത്സരം തടസപ്പെട്ടിരുന്നു. സൈറ്റ്‌സ്‌ക്രീനിലെ പ്രശ്‌നങ്ങളെ തുടര്‍ന്ന് കളി തടസപ്പെട്ടപ്പോള്‍ ക്യാമറകള്‍ ധോനിക്കും പന്തിനും അരികിലേക്ക് തിരിഞ്ഞു. 

ബൗണ്‍റി ലൈനിന് സമീപം നിന്ന് പന്തിന് ധോനി വിക്കറ്റ് കീപ്പിങ് പരിശീലനം നല്‍കുന്ന ദൃശ്യങ്ങള്‍ ആരാധകരേയും കീഴടക്കി. ഓസ്‌ട്രേലിയക്കെതിരെ ബാറ്റ് ചെയ്തില്ലെങ്കിലും ഇംഗ്ലണ്ടിനെതിരായ സന്നാഹ മത്സരത്തില്‍ തന്നെ താന്‍ മികച്ച ഫോമിലാണ് എന്ന് പന്ത് വ്യക്തമാക്കി. 14 പന്തില്‍ നിന്ന് 29 റണ്‍സ് ആണ് പന്ത് ഇവിടെ നേടിയത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com