രണ്ടാം പകുതിയിൽ അനിരുദ്ധ് ഥാപ്പയുടെ മറുപടി; നേപ്പാളിനെതിരെ സമനില പിടിച്ച് ഇന്ത്യ

കാഠ്മണ്ഡു: നേപ്പാളിനെതിരായ രാജ്യാന്തര സൗഹൃദ മത്സരത്തിൽ ഇന്ത്യൻ ഫുട്‌ബോൾ ടീമിന് സമനില. പോരാട്ടം 1-1ന് അവസാനിക്കുകയായിരുന്നു. ആദ്യ പകുതിയിൽ നേപ്പാൾ മുന്നിലെത്തിയെങ്കിലും രണ്ടാം പകുതിയിൽ ഇന്ത്യ തിരിച്ചടിച്ചു.

കാഠ്മണ്ഡുവിലെ തൃപുരേശ്വറിലുള്ള ദശരഥ് സ്റ്റേഡിയത്തിലാണ് പോരാട്ടം അരങ്ങേറിയത്. 36ാം മിനിറ്റിൽ അഞ്ജാൻ ബിസ്തയിലൂടെയാണ് നേപ്പാൾ മുന്നിലെത്തിയത്. 

രണ്ടാം പകുതി തുടങ്ങി 60-ാം മിനിറ്റിലാണ് ഇന്ത്യ സമനില കണ്ടെത്തിയത്. അനിരുഥ് ഥാപ്പയിലൂടെയാണ് ഇന്ത്യ സ്കോർ ഒപ്പമെത്തിച്ചത്. ഈ മാസം അഞ്ചിന് രണ്ടാം സൗഹൃ​ദ പോരാട്ടത്തിൽ ഇരു ടീമുകളും നേർക്കുനേർ വരും.