കൊൽക്കത്ത: വരാനിരിക്കുന്ന ഐഎസ്എൽ സീസണിൽ മികവ് പുലർത്തുക ലക്ഷ്യമിട്ട് ഈസ്റ്റ് ബംഗാൾ. ടീമിലേക്ക് അവർ അഞ്ചാമത്തെ വിദേശ താരത്തെ എത്തിച്ചു. അയാക്സിന്റെ 23കാരനായ യുവ താരം ഡാരൻ സിഡോൽ ആണ് ടീമിലെത്തിയ പുതിയ വിദേശ താരം. ഹോളണ്ടുകാരനായ സിഡോൽ മധ്യനിര താരമാണ്.
ഈ സീസൺ ഐഎസ്എല്ലിലെ തന്നെ മികച്ച താരങ്ങളിൽ ഒരാളായി മാറാൻ സാധ്യതയുള്ള താരം കൂടിയാണ് ഈ ഡച്ച് മിഡ്ഫീൽഡർ. അയാക്സിന്റെ അക്കാദമിയിലൂടെ വളർന്നു വന്ന താരമാണ് സിഡോൽ. 2012 മുതൽ 2018 വരെ താരം അയാക്സിൽ ഉണ്ടായിരുന്നു.
അയാക്സിന്റെ അക്കാദമിക്കായും റിസേർവ്സ് ടീമിനായും കളിച്ചിട്ടുണ്ട്. ഇംഗ്ലീഷ് ക്ലബായ റീഡിംസ്, സ്പാനിഷ് ക്ലബായ ഹെർകുലിസ് എന്നീ ടീമുകൾക്കായി ലോണിൽ കളിച്ചിട്ടുണ്ട്. ഹോളണ്ടിന്റെ അണ്ടർ 17 ടീമിനെയും പ്രതിനിധീകരിച്ചിട്ടുണ്ട്. കഴിഞ്ഞ ഐഎസ്എൽ സീസണിലെ നിരാശ മാറ്റി മിന്നും പ്രകടനം ഇത്തവണ പുറത്തെടുക്കാമെന്ന പ്രതീക്ഷയിലാണ് ഈസ്റ്റ് ബംഗാൾ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
