ദുബായ്: ഐപിഎൽ രണ്ടാം പതിപ്പ് ഇന്ന് തുടങ്ങാനിരിക്കെ ചരിത്രം കുറിക്കാൻ ഒരുങ്ങിയിരിക്കുകയാണ് മുംബൈ ഇന്ത്യൻസ് നായകൻ രോഹിത് ശർമ. ഐപിഎൽ കിരീട മോഹത്തിന് പുറമേ ടി20 ക്രിക്കറ്റിൽ 400 സിക്സ് തികക്കുന്ന ആദ്യ ഇന്ത്യൻ ബാറ്റ്സ്മാനെന്ന ചരിത്രനേട്ടത്തിന് അടുത്തെത്തിയിരിക്കുകയാണ് താരം. ഇതിനായി രോഹിത്തിന് ഇനി മൂന്ന് സിക്സ് കൂടി മതി.
നിലവിൽ 397 സിക്സുകളാണ് രോഹിത്തിൻറെ പേരിലുള്ളത്. ഇതിൽ 224 എണ്ണവും ഐപിഎല്ലിലാണ്. 173 എണ്ണവും മുംബൈ ഇന്ത്യൻസ് ജേഴ്സിയിൽ പറത്തിയപ്പോൾ ഐപിഎല്ലിലെ രോഹിത്തിൻറെ ആദ്യ 51 സിക്സുകൾ ഡെക്കാൻ ചാർജേഴ്സിന് വേണ്ടിയായിരുന്നു. ഇന്ത്യൻ താരങ്ങളിൽ നാലു പേരാണ് 300 സിക്സ് നേടിയവർ. സുരേഷ് റെയ്ന(324), വിരാട് കോലി(314), എം എസ് ധോണി(303) എന്നിവരാണത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
