തുടരെ രണ്ടാം കളിയിലും കുറഞ്ഞ ഓവര്‍ നിരക്ക്, സഞ്ജു സാംസണിന് 24 ലക്ഷം രൂപ പിഴ

പഞ്ചാബിനെതിരായ ആദ്യ കളിയിലും കുറഞ്ഞ ഓവര്‍ നിരക്കിന്റെ പേരില്‍ സഞ്ജുവിന് പിഴ ലഭിച്ചിരുന്നു
ഫോട്ടോ: ഐപിഎല്‍, ട്വിറ്റർ
ഫോട്ടോ: ഐപിഎല്‍, ട്വിറ്റർ

അബുദാബി: തുടരെ രണ്ടാം മത്സരത്തിലും കുറഞ്ഞ ഓവര്‍ നിരക്ക് വന്നതോടെ രാജസ്ഥാന്‍ റോയല്‍സ് നായകന്‍ സഞ്ജു സാംസണിന് പിഴ. 24 ലക്ഷം രൂപയാണ് സഞ്ജുവിന് പിഴ വിധിച്ചിരിക്കുന്നത്. 

പഞ്ചാബിനെതിരായ ആദ്യ കളിയിലും കുറഞ്ഞ ഓവര്‍ നിരക്കിന്റെ പേരില്‍ സഞ്ജുവിന് പിഴ ലഭിച്ചിരുന്നു. രണ്ടാം വട്ടവും കുറഞ്ഞ ഓവര്‍ നിരക്ക് വന്നതോടെയാണ് 24 ലക്ഷം രൂപ പിഴ വന്നത്. കൊല്‍ക്കത്ത നൈറ്റ് റൈഡേഴ്‌സ് നായകന്‍ മോര്‍ഗനും 24 ലക്ഷം രൂപ പിഴ വിധിച്ചിരുന്നു. 

സഞ്ജു 24 ലക്ഷം രൂപ പിഴയടക്കുന്നതിനൊപ്പം പ്ലേയിങ് ഇലവനിലെ മറ്റ് അംഗങ്ങള്‍ ആറ് ലക്ഷം രൂപയോ മാച്ച് ഫീയുടെ 25 ശതമാനമോ പിഴയടക്കണം. ഡല്‍ഹിക്കെതിരെ 33 റണ്‍സിന്റെ തോല്‍വിയിലേക്കാണ് രാജസ്ഥാന്‍ വീണത്.  

154 റണ്‍സിന് ഡല്‍ഹിയെ രാജസ്ഥാന്‍ ഒതുക്കിയെങ്കിലും ചെയ്‌സ് ചെയ്ത് ഇറങ്ങിയ രാജസ്ഥാന് ആറ് വിക്കറ്റ് നഷ്ടത്തില്‍ 121 റണ്‍സ് ആണ് കണ്ടെത്താനായത്. 70 റണ്‍സോടെ സഞ്ജു പുറത്താവാതെ നിന്നെങ്കിലും ടീമിനെ ജയത്തിലേക്ക് എത്തിക്കാനായില്ല.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com