ദോഹ: നെയ്മറുടെ കാല് ഒടിയാനാണ് ബ്രസീല് ആരാധകര് ആഗ്രഹിക്കുന്നതെന്ന് കുറ്റപ്പെടുത്തി മുന്നേറ്റനിര താരം റാഫിഞ്ഞ. എന്നാല് അര്ജന്റീനക്കാര് മെസിയെ ദൈവത്തെ പോലെയാണ് കാണുന്നതെന്നും പോര്ച്ചുഗല് ആരാധകരുടെ രാജാവാണ് ക്രിസ്റ്റിയാനോ റൊണാള്ഡോ എന്നും റാഫിഞ്ഞ പറഞ്ഞു.
സെര്ബിയക്കെതിരായ കളിയില് പരിക്കേറ്റ നെയ്മര്ക്കെതിരെ ഉയര്ന്ന ബ്രസീല് ആരാധകരുടെ പ്രതികരണങ്ങള് ചൂണ്ടിയാണ് റാഫിഞ്ഞയുടെ വാക്കുകള്. ബ്രസീല് ആരാധകര് നെയ്മറെ അര്ഹിക്കുന്നില്ല എന്ന് റാഫിഞ്ഞ ഇന്സ്റ്റാ സ്റ്റോറിയില് കുറിച്ചു.
ബ്രസീലില് ജനിച്ചു എന്നതാണ് നെയ്മര് ചെയ്ത തെറ്റ്
നെയ്മര് തന്റെ കരിയറില് ചെയ്ത തെറ്റ് ബ്രസീലില് ജനിച്ചു എന്നതാണ്. നെയ്മറുടെ കഴിവ് ഈ രാജ്യം അര്ഹിക്കുന്നില്ല എന്നും റാഫിഞ്ഞ പറയുന്നു. സെര്ബിയക്കെതിരായ മത്സരത്തില് കളി തീരാന് 10 മിനിറ്റ് ശേഷിക്കെയാണ് നെയ്മര്ക്ക് പരിക്കേറ്റത്. കണങ്കാലിലെ പരിക്കിനെ തുടര്ന്ന് ബ്രസീലിന്റെ ഇനിയുള്ള രണ്ട് ഗ്രൂപ്പ് ഘട്ട മത്സരങ്ങളും നെയ്മറിന് നഷ്ടമാവും.
സെര്ബിയക്കെതിരായ കളിക്ക് പിന്നാലെ നെയ്മറും കുറിപ്പുമായി ഇന്സ്റ്റഗ്രാമില് എത്തിയിരുന്നു. ഈ പ്രശ്നങ്ങള്ക്കെല്ലാം ശേഷം എല്ലാം ശരിയാവും എന്ന് വിശ്വസിക്കുന്നു. ഏറ്റവും മികച്ചത് വരാനിരിക്കുന്നതേയുള്ളു എന്ന് ഉറപ്പാണ്. എല്ലാത്തിനും അതിന്റേതായ സമയമുണ്ട് എന്നും നെയ്മര് ഇന്സ്റ്റഗ്രാമില് കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ