യൂറോ, കോപ്പ സെമി ഫൈനല്‍; മത്സരക്രമം അറിയാം

സെമി പോരാട്ടങ്ങള്‍ ഈ മാസം 10, 11 തീയതികളില്‍
ഇംഗ്ലണ്ട് താരം ബുകായോ സക സ്വിറ്റ്സര്‍ലന്‍ഡിനെതിരെ നേടിയ ഗോള്‍ വലയില്‍
ഇംഗ്ലണ്ട് താരം ബുകായോ സക സ്വിറ്റ്സര്‍ലന്‍ഡിനെതിരെ നേടിയ ഗോള്‍ വലയില്‍Martin Meissner

ബെര്‍ലിന്‍: യൂറോ കപ്പ്, കോപ്പ അമേരിക്ക ഫുട്‌ബോള്‍ പോരാട്ടങ്ങള്‍ സെമിയിലേക്ക് കടന്നു. യൂറോയില്‍ സ്‌പെയിന്‍- ഫ്രാന്‍സ്, ഇംഗ്ലണ്ട്- നെതര്‍ലന്‍ഡ്‌സ് പോരാട്ടവും കോപ്പ അമേരിക്കയില്‍ അര്‍ജന്റീന- കാനഡ, ഉറുഗ്വെ- കൊളംബിയ പോരാട്ടങ്ങളുമാണ് അവസാന നാലില്‍.

യൂറോ കപ്പ്

ഈ മാസം പത്തിന് ഇന്ത്യന്‍ സമയം രാത്രി 12.30നാണ് യൂറോയിലെ ആദ്യ സെമി. സ്‌പെയിന്‍- ഫ്രാന്‍സ് പോരാട്ടമാണ് ഒന്നാം സെമിയില്‍. ബയേണ്‍ മ്യൂണിക്കിന്റെ തട്ടകമായ അലയന്‍സ് അരീനയിലാണ് ഒന്നാം സെമി.

പതിനൊന്നാം തീയതി രണ്ടാം സെമിയില്‍ ഇംഗ്ലണ്ട്- നെതര്‍ലന്‍ഡ്‌സ് പോരും കാണാം. ബൊറൂസിയ ഡോര്‍ട്മുണ്ടിന്റെ ഹോം ഗ്രൗണ്ടായ സിഗ്നല്‍ ഇഡുന പാര്‍കിലാണ് രണ്ടാം പോരാട്ടം. സമയം രാത്രി 12.30.

ജൂലൈ 15 രാത്രി 12.30നാണ് ഫൈനല്‍. ബെര്‍ലിനിലെ ഒളിംപിക്‌സ് സ്റ്റേഡിയത്തിലാണ് ഗ്രാന്‍സ് ഫിനാലെ.

മത്സരങ്ങള്‍ സോണി ലിവ്, സോണി സ്‌പോര്‍ട്‌സ് ചാനലുകളില്‍ കാണാം.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കോപ്പ അമേരിക്ക

ഈ മാസം 10നു പുലര്‍ച്ചെ 5.30നാണ് കോപ്പ അമേരിക്ക ആദ്യ സെമി. അര്‍ജന്റീനയും കാനഡയുമാണ് നേര്‍ക്കുനേര്‍ വരുന്നത്. ന്യൂ ജേഴ്‌സിയിലെ മെറ്റ്‌ലൈഫ് സ്റ്റേഡിയത്തിലാണ് കളി.

11നു പുലര്‍ച്ചെ രണ്ടാം സെമി. ഉറുഗ്വെ- കൊളംബിയ. നോര്‍ത്ത് കരോലിനയിലെ ബാങ്ക് ഓഫ് അമേരിക്ക സ്റ്റേഡിയത്തിലാണ് മത്സരം.

യൂറോയില്‍ നിന്നു വിഭിന്നമായി കോപ്പ അമേരിക്ക പോരില്‍ മൂന്നാം സ്ഥാനക്കാര്‍ക്കായി മത്സരമുണ്ട്. ഈ മാസം 14ന് പുലര്‍ച്ചെ 5.30നാണ് പോരാട്ടം. വേദി ബാങ്ക് ഓഫ് അമേരിക്ക സ്റ്റേഡിയം തന്നെ.

15ന് പുലര്‍ച്ചെ ഫൈനല്‍. ഫ്‌ളോറിഡയിലെ ഹാര്‍ഡ് റോക്ക് സ്‌റ്റേഡിയമാണ് ഫൈനല്‍ വേദി.

ഇംഗ്ലണ്ട് താരം ബുകായോ സക സ്വിറ്റ്സര്‍ലന്‍ഡിനെതിരെ നേടിയ ഗോള്‍ വലയില്‍
അവസാനിക്കുമോ ഇംഗ്ലണ്ടിന്‍റെ കാത്തിരിപ്പ്? യൂറോ സെമി സാധ്യതകള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
X
logo
Samakalika Malayalam
www.samakalikamalayalam.com