'നേപ്പാളും നെതര്‍ലന്‍ഡ്‌സും വമ്പന്‍മാരെ ഞെട്ടിക്കും'- ഗില്‍ക്രിസ്റ്റിന്റെ മുന്നറിയിപ്പ്

ഗ്രൂപ്പ് ഡിയില്‍ ദക്ഷിണാഫ്രിക്ക, ശ്രീലങ്ക, ബംഗ്ലാദേസ് ടീമുകള്‍ക്കൊപ്പം നേപ്പാളും നെതര്‍ലന്‍ഡ്സും
Gilchrist backs Nepal, Netherlands
നേപ്പാള്‍ ക്യാപ്റ്റന്‍ രോഹിത് പൗഡല്‍, നെതര്‍ലന്‍ഡ്സ് താരം ലോഗന്‍ വാന്‍ ബീക്ട്വിറ്റര്‍

ബാര്‍ബഡോസ്: ടി20 ലോകകപ്പില്‍ വലിയ ടീമുകള്‍ക്ക് തലവേദന ഉണ്ടാക്കാന്‍ പോകുന്ന രണ്ട് ടീമുകളെ പ്രവചിച്ച് മുന്‍ ഓസ്‌ട്രേലിയന്‍ താരവും ഇതിഹാസ വിക്കറ്റ് കീപ്പര്‍ ബാറ്ററുമായ ആദം ഗില്‍ക്രിസ്റ്റ്. നേപ്പാളും നെതര്‍ലന്‍ഡ്‌സും കറുത്ത കുതിരകളായി മാറിയാല്‍ അത്ഭുതപ്പെടേണ്ടതില്ലെന്നും ഇരു സംഘവും ഈ ലോകകപ്പില്‍ ശ്രദ്ധേയ പ്രകടനം നടത്തുമെന്നും ഗില്‍ക്രിസ്റ്റ് പറയുന്നു.

ഗ്രൂപ്പ് ഡിയില്‍ ദക്ഷിണാഫ്രിക്ക, ശ്രീലങ്ക, ബംഗ്ലാദേശ് ടീമുകള്‍ക്കൊപ്പമാണ് നേപ്പാളും നെതര്‍ലന്‍ഡ്‌സും. ഓറഞ്ച് സംഘം ഐസിസി ഇവന്റുകളിലെ ശ്രദ്ധേയ സാന്നിധ്യമാണെന്നു ഗില്‍ക്രിസ്റ്റ് ഓര്‍മിപ്പിക്കുന്നു.

'നേപ്പാള്‍ എതിരാളികളെ ഞെട്ടിക്കാന്‍ കെല്‍പ്പുള്ള സംഘമാണെന്നു ഞാന്‍ കരുതുന്നു. നിരവധി യുവ താരങ്ങള്‍ അവര്‍ക്കുണ്ട്. പലരും വലിയ ലീഗുകളില്‍ കുറച്ചു കാലമായി കളിക്കുന്നവരാണ്.'

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

'വലിയ ടൂര്‍ണമെന്റുകളില്‍ തിളങ്ങാന്‍ കല്‍പ്പുള്ളവരാണ് നെതര്‍ലന്‍ഡ്‌സ്. നൈസര്‍ഗികമായി പോരാടാന്‍ കരുത്തുള്ളവര്‍. കഴിഞ്ഞ ലോകകപ്പില്‍ അവര്‍ ദക്ഷിണാഫ്രിക്കയെ വീഴ്ത്തിയിരുന്നു. ഇത്തവണയും ഇരു ടീമുകളും ഒരു ഗ്രൂപ്പില്‍ തന്നെയാണ്- ഗില്‍ക്രിസ്റ്റ് വ്യക്തമാക്കി.'

ദിവസങ്ങള്‍ക്ക് മുന്‍പ് യുഎസ്എ ബംഗ്ലാദേശിനെ അട്ടിമറിച്ച് ടി20 പരമ്പര നേടിയത് ഗില്‍ക്രിസ്റ്റ് ചൂണ്ടിക്കാട്ടി. അത്തരം വിജയങ്ങളും ക്രിക്കറ്റ് കൂടുതല്‍ രാജ്യങ്ങളിലേക്ക് വ്യാപിക്കുന്നതും പോസിറ്റിവാണെന്നും ഗില്‍ക്രിസ്റ്റ് പറയുന്നു.

Gilchrist backs Nepal, Netherlands
മിന്നു ഇല്ല, ആശയും സജനയും കളിക്കും; ഇന്ത്യന്‍ വനിതാ ടീമിനെ പ്രഖ്യാപിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
X
logo
Samakalika Malayalam
www.samakalikamalayalam.com