പത്തു സിക്‌സുകള്‍, താണ്ഡവമാടി ആരോണ്‍ ജോണ്‍സ്; ടി20 ലോകകപ്പ് ഉദ്ഘാടന മത്സരത്തില്‍ അമേരിക്കയ്ക്ക് ജയം

ടി20 ലോകകപ്പിലെ ഉദ്ഘാടന മത്സരത്തില്‍ അമേരിക്കയ്ക്ക് ജയം
canada vs america
കാനഡയെ തോൽപ്പിച്ച് അമേരിക്കimage credit: T20 World Cup

ഡല്ലാസ്: ടി20 ലോകകപ്പിലെ ഉദ്ഘാടന മത്സരത്തില്‍ അമേരിക്കയ്ക്ക് ജയം. കാനഡ ഉയര്‍ത്തിയ കൂറ്റന്‍ സ്‌കോര്‍ രണ്ട് ഓവറും രണ്ടു പന്തും ബാക്കിനില്‍ക്കേയാണ് അമേരിക്ക മറികടന്നത്. കാനഡ ഉയര്‍ത്തിയ 195 റണ്‍സ് വിജയലക്ഷ്യം മൂന്ന് വിക്കറ്റ് നഷത്തിലാണ് അമേരിക്ക കൈപ്പിടിയിലാക്കിയത്.

ആരോണ്‍ ജോണ്‍സിന്റെ വെടിക്കെട്ട് ബാറ്റിങ്ങാണ് അമേരിക്കയ്ക്ക് വിജയം സമ്മാനിച്ചത്. 40 പന്തില്‍ പുറത്താകാതെ 94 റണ്‍സ് ആണ് ആരോണ്‍ ജോണ്‍സ് നേടിയത്. പത്തു സിക്‌സുകളുടെ അകമ്പടിയോടെയായിരുന്നു ജോണ്‍സിന്റെ വെടിക്കെട്ട് ബാറ്റിങ്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കാനഡ നിശ്ചിത ഓവറില്‍ അഞ്ചുവിക്കറ്റ് നഷ്ടത്തിലാണ് 194 റണ്‍സ് നേടിയത്. ടോസ് നേടിയ അമേരിക്ക ബൗളിങ് തെരഞ്ഞെടുക്കുകയായിരുന്നു. കാനഡയ്ക്ക് വേണ്ടി നവ്നീത് ധലിവാള്‍ (61 റണ്‍സ്), നിക്കോളാസ് കീര്‍ട്ടണ്‍ (51) എന്നിവരാണ് ഭേദപ്പെട്ട സ്‌കോര്‍ കണ്ടെത്തിയത്. 44 പന്തില്‍ നിന്നാണ് നവ്നീത് 61 റണ്‍സ് നേടിയത്. ആറു ബൗണ്ടറികളുടെയും മൂന്ന് സിക്സുകളുടെയും അകമ്പടിയോടെയായിരുന്നു 61 റണ്‍സ്. കീര്‍ട്ടണ്‍ 31 പന്തില്‍ നിന്നാണ് അര്‍ധശതകം തികച്ചത്. രണ്ട് സിക്സിന്റെയും മൂന്ന് ബൗണ്ടറികളുടെയും അകമ്പടിയോടെയായിരുന്നു ഇന്നിംഗ്സ്.

അവസാന ഓവറുകളില്‍ 16 പന്തില്‍ 32 റണ്‍സുമായി പുറത്താകാതെ നിന്ന ശ്രേയസ് മോവ വെട്ടിക്കെട്ട് ബാറ്റിങ് ആണ് പുറത്തെടുത്തത്.

canada vs america
വെംബ്ലിയില്‍ വെള്ളക്കുപ്പായക്കാര്‍ തന്നെ രാജാക്കന്‍മാര്‍; ചാമ്പ്യന്‍സ് ലീഗില്‍ റയലിന് 15ാം കിരീടം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
X
logo
Samakalika Malayalam
www.samakalikamalayalam.com