India-Pakistan game security
ഇന്ത്യന്‍ ടീം ന്യൂയോര്‍ക്കില്‍ പരിശീലനത്തില്‍വീ‍ഡിയോ സ്ക്രീന്‍ ഷോട്ട്

ആക്രമണ ഭീഷണി; ഇന്ത്യ- പാക് ലോകകപ്പ് പോരിന് അധിക സുരക്ഷ

ന്യൂയോർക്കിലെ നാസോ കൗണ്ടി ക്രിക്കറ്റ് സ്റ്റേഡിയത്തിലാണ് ഇന്ത്യ- പാകിസ്ഥാൻ പോരാട്ടം

ന്യൂയോർക്ക്: ടി20 ലോകകപ്പ് വേദിയായ ന്യൂയോർക്കിൽ സുരക്ഷാ ക്രമീകരണങ്ങൾ വർധിപ്പിച്ചു. ഇന്ത്യയുടെ ​ഗ്രൂപ്പ് മത്സരങ്ങൾ അരങ്ങേറുന്നത് ന്യൂയോർക്കിലാണ്. ന്യൂയോർക്കിലെ നാസോ കൗണ്ടി ക്രിക്കറ്റ് സ്റ്റേഡിയത്തിലാണ് ഇന്ത്യ- പാകിസ്ഥാൻ പോരാട്ടം. ഈ മത്സരത്തിനു സുരക്ഷാ ഭീഷണിയുണ്ടെന്ന റിപ്പോർട്ടുകൾ വന്നിരുന്നു. പിന്നാലെയാണ് സുരക്ഷ ശക്തമാക്കിയത്.

സ്റ്റേഡിയത്തിലും പരിസര പ്രദേശങ്ങളിലും സുരക്ഷ കൂട്ടിയിട്ടുണ്ട്. കൂടുതൽ സേനയെ വിന്യസിക്കാനും നിരീക്ഷണം ശക്തമാക്കാനും പൊലീസിനു നിർദ്ദേശം നൽകിയതായി ​ന്യൂയോർക്ക് ​ഗവർണർ വ്യക്തമാക്കി.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ആരെങ്കിലും ഒറ്റയ്ക്കെത്തി ആക്രമണം നടത്തിയേക്കുമെന്നു പൊലീസ് ആശങ്കപ്പെടുന്നു. സാധാരണയേക്കാൾ നൂറിലധികം സുരക്ഷാ സേനാം​ഗങ്ങൾ സ്റ്റേഡിയത്തിലും പരിസരത്തുമായി വിന്യസിച്ചിട്ടുണ്ട്. ഇത്തരം ഭീഷണികൾ എപ്പോഴും ഉയരും. അത്ര ​​ഗൗരവമുള്ള വിഷയമാണിത്. ഇന്ത്യ- പാക് മത്സരം നടക്കുന്ന ജൂൺ ഒൻപതിന് സ്റ്റേഡിയത്തിൽ പൂർണ സുരക്ഷയുണ്ടാകുമെന്നു അധികൃതർ വ്യക്തമാക്കി.

ജൂൺ അഞ്ചിനാണ് ഇന്ത്യയുടെ ആദ്യ പോരാട്ടം. അയർലൻഡാണ് എതിരാളികൾ. ജൂൺ ഒൻപതിനാണ് ഇന്ത്യ- പാക് പോരാട്ടം. നിലവിൽ ന്യൂയോർക്കിലുള്ള ഇന്ത്യൻ ടീം പരിശീലനത്തിലാണ്. നാളെ ഇന്ത്യ- ബം​ഗ്ലാദേശ് സന്നാഹ മത്സരം അരങ്ങേറും.

 India-Pakistan game security
സ്വപ്‌നക്കുതിപ്പ് തുടര്‍ന്ന് ട്രീസയും ഗായത്രിയും; സിങ്കപ്പുര്‍ ഓപ്പണ്‍ സെമിയില്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

X
logo
Samakalika Malayalam
www.samakalikamalayalam.com