വാംഖഡെ: സണ്‍റൈസേഴ്‌സ് ഹൈദരാബാദിന്റെ വെടിക്കെട്ട് ബാറ്റിങ് നിരയെ ബൗളിങില്‍ പിടിച്ച് മുംബൈ ഇന്ത്യന്‍സ്. ഐപിഎല്ലില്‍ ആദ്യം ബാറ്റ് ചെയ്ത സണ്‍റൈസേഴ്‌സ് 20 ഓവറില്‍ 5 വിക്കറ്റ് നഷ്ടത്തില്‍ 162 റണ്‍സ് സ്വന്തമാക്കി.
അഭിഷേക് ശര്‍മ, ട്രാവിസ് ഹെഡ്, ഹെയ്ന്റിച് ക്ലാസന്‍, അനികേത് വര്‍മ, പാറ്റ് കമ്മിന്‍സ് എന്നിവര്‍ ചേര്‍ന്നാണ് എസ്ആര്‍എചിനെ പൊരുതാവുന്ന സ്‌കോറിലെത്തിച്ചത്. അഭിഷേക് 28 പന്തില്‍ 7 ഫോറുകള്‍ സഹിതം 40 റണ്‍സെടുത്തു. ഹെഡ് 28 റണ്‍സെടുത്തു മടങ്ങി. 29 പന്തുകള്‍ നേരിട്ടാണ് ഹെഡ് 28 എടുത്തത്.
ക്ലാസനാണ് അതിവേഗം റണ്‍സടിച്ച് സ്‌കോര്‍ കയറ്റിയത്. താരം 28 പന്തില്‍ 2 സിക്‌സും 3 ഫോറും സഹിതം 37 റണ്‍സ് കണ്ടെത്തി. 8 പന്തില്‍ 2 സിക്‌സുകളടക്കം 18 റണ്‍സെടുത്താണ് അനികേത് നിര്‍ണായക ബാറ്റിങ് പുറത്തെടുത്തത്. കമ്മിന്‍സ് 4 പന്തില്‍ 8 റണ്‍സും അടിച്ചു.
മുംബൈ നിരയില്‍ വില്‍ ജാക്‌സ് 3 ഓവറില്‍ 14 റണ്‍സ് മാത്രം വഴങ്ങി 2 വിക്കറ്റെടുത്തു. ട്രെന്‍ഡ് ബോള്‍ട്ട്, ജസ്പ്രിത് ബുംറ, ഹര്‍ദിക് പാണ്ഡ്യ എന്നിവര്‍ ഓരോ വിക്കറ്റെടുത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
ടെലഗ്രാം ചാനൽ സബ്സ്ക്രൈബ് ചെയ്യാൻ ക്ലിക്ക് ചെയ്യൂ
