പോള്‍ നീരാളിക്ക് ദാ ഒരു കൊച്ചിക്കാരന്‍ എതിരാളി; ലോകകപ്പ് പ്രവചനങ്ങള്‍ ഇതുവരേക്കും കിറുകൃത്യം!
റിയാദ് : അക്കില്ലസ് പൂച്ച തോറ്റു പോയ ലോകകപ്പ് പ്രവചനത്തില്‍ ഇതുവരെയുള്ള മത്സരഫലങ്ങള്‍ കൃത്യമായി പ്രവചിച്ച് പ്രവാസി മലയാളി ശ്രദ്ധേയനാകുന്നു. സൗദിയില്‍ ജോലി ചെയ്യുന്ന എറണാകുളം സ്വദേശിയായ ഷിഹാബാണ് ഇപ്പോള്‍ സോഷ്യല്‍ മീഡിയയിലെ താരം.
ഫ്രാന്‍സ് -ക്രൊയേഷ്യ ഫൈനലാകുമെന്ന്‌ പ്രവചിച്ച ഷിഹാബ് ഇപ്പോള്‍ പറയുന്നത് റഷ്യന്‍ ലോകകപ്പില്‍ മുത്തമിടുക ഫ്രാന്‍സായിരിക്കും എന്നാണ്. ഈ പ്രവചനം കൂടി കൃത്യമായാല്‍ മതിയെന്നാണ് ഇപ്പോള്‍ ഷിഹാബിന്റെ സുഹൃത്തുക്കള്‍ പറയുന്നത്.
കൃത്യമായി കളി വിലയിരുത്തിയുള്ള പ്രവചനമാണ് ഇദ്ദേഹം ജൂണ്‍ 26 ന് നടത്തിയത്. ഒരു ടീമിന്റെയും ആരാധകനാവാതെ കളി കാണുകയാണെങ്കില്‍ ആര്‍ക്കും ഇക്കാര്യം മനസിലാക്കാവുന്നതേയുള്ളൂ എന്നാണ് ഷിഹാബ് പറയുന്നത്. ഫാന്‍സ് എന്ന പേരില്‍ കാണിച്ചു കൂട്ടുന്ന വെറുപ്പിക്കല്‍ മനസിലാകണമെങ്കില്‍ 'ഫാന്‍ കുപ്പായം' മാറ്റി വച്ച് കളി കാണണം എന്നാണ് മുന്‍ അര്‍ജന്റീന ആരാധകന്‍ ആയിരുന്ന ഈ കൊച്ചിക്കാരന്‍ പറയുന്നത്.
സൗദിയിലെ ജുബൈലില്‍ എഞ്ചിനീയറിംഗ് കമ്പനിയിലാണ് ഷിഹാബ് ജോലി ചെയ്യുന്നത്. അടയാളം മോഷ്ടിക്കപ്പെട്ട പെയിന്റിംഗുകള്‍ എന്നീ കഥാസമാഹാരങ്ങള്‍ പ്രസിദ്ധീകരിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
