ക്രിസ്റ്റിയാനോയുടെ ബൂട്ടില് നിന്നും ഗോള് വിരിഞ്ഞില്ലെങ്കിലും ലോക കപ്പിന് മുന്പായുള്ള സന്നാഹ മത്സരത്തില് അല്ജീരിയയ്ക്കെതിരെ മൂന്ന് ഗോളിന്റെ ആധികാരിക ജയം നേടിയാണ് പോര്ച്ചുഗല് കച്ചമുറുക്കുന്നത്. ക്രിസ്റ്റിയാനോയുടേയും സംഘത്തിന്റേയും തകര്പ്പന് കളിക്ക് പിന്നാലെ ക്രിസ്റ്റ്യാനോ ജൂനിയറും ആരാധകരെ ആവേശത്തിലാഴ്ത്തുന്ന പ്രകടനവുമായെത്തി.
അച്ഛന് ഫുട്ബോളില് തീര്ക്കുന്ന മന്ത്രീകത തന്നിലേക്കും എത്തിയിട്ടുണ്ടെന്ന് ജൂനിയര് ക്രിസ്റ്റ്യാനോ നേരത്തെ തന്നെ പലവട്ടം തെളിയിച്ചിരുന്നു. അള്ജീരിയയ്ക്കെതിരായ മത്സരത്തിന് ശേഷം അച്ഛനും മകനും ഒരുമിച്ച് മൈതാനത്ത് ഫുട്ബോള് കളിക്കാനെത്തി.
ഫുട്ബോള് ലോകത്തെ വിസ്മയിപ്പിച്ച് ക്രിസ്റ്റ്യാനോയുടെ കാലുകളില്
നിന്നും വിരിഞ്ഞ ബൈസിക്കിള് കിക്കും ക്രിസ്റ്റിയാനോ ജൂനിയര് അവിടെ പരീക്ഷിച്ചു. അച്ഛന്റെ പെര്ഫെക്ഷനില്ലെങ്കിലും താനും വരുന്നത് ആ ലെവലിലേക്ക് തന്നെയെന്ന സൂചന നല്കുകയാണ് ജൂനിയന് റോണോ...
ലോക കപ്പില് സ്പെയ്നിനൊപ്പം വന്നുപെട്ടതാണ് പോര്ച്ചുഗലിനെ കുഴയ്ക്കുന്നത്. കിരീടത്തിലേക്ക് കുതിക്കുന്നതില് പോര്ച്ചുഗലിന് വലിയ സാധ്യത ക്രിസ്റ്റിയാനോ തന്നെ നല്കുന്നില്ലെങ്കിലും മികച്ച മുന്നേറ്റ നിരയുടെ കരുത്തില് നേട്ടം കൊയ്യാനാകുമെന്നാണ് പ്രതീക്ഷിക്കപ്പെടുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ