ലോക കപ്പ് തിരിച്ചു പിടിക്കാനുള്ള തന്ത്രങ്ങള് റഷ്യയില് പയറ്റാന് ഒരുങ്ങവെയായിരുന്നു സ്പെയിനിന് പരിശീലകനെ പുറത്താക്കേണ്ടി വന്നത്. റയലിന്റെ പരിശീലക സ്ഥാനത്തേക്ക് ചേക്കേറാന് ജുലെന് ലോപെറ്റെഗുയിയെ ശ്രമിച്ചതിനെ തുടര്ന്നുള്ള പുറത്താക്കലിനെതിരെ ടീമിലെ താരങ്ങള് തന്നെ മുന്നോട്ടു വന്നിട്ടുണ്ട്.
പക്ഷേ ലോക കപ്പില് ഫെര്ണാണ്ടോ ഹെയ്റോയെ പരിശീലകനാകുമെന്ന് സ്പെയിന് മാനേജ്മെന്റ് പ്രഖ്യാപിച്ചു കഴിഞ്ഞു. ഹെയ്റോ സ്പെയിനിനെ ലോക കപ്പില് നയിക്കുമ്പോള് സ്പാനിഷ് പടയുടെ പരിശീലക സംഘത്തിലേക്ക് കേരള ബ്ലാസ്റ്റേഴ്സിന്റെ മുന് മാര്ക്കീ താരവും എത്തുന്നുണ്ട്.
സ്പെയിനിന്റെ സഹപരിശീലകനായി കാര്ലോസ് മാര്ച്ചേനയെയാണ് നിശ്ചയിച്ചിരിക്കുന്നത്. ഐഎസ്എല്ലിന്റെ രണ്ടാം സീസണില് ബ്ലാസ്റ്റേഴ്സ് കുപ്പായത്തില് ഇറങ്ങിയ താരമാണ് കാര്ലോസ്. ബ്ലാസ്റ്റേഴ്സിന് വേണ്ടി അന്ന് ഒരു മത്സരം മാത്രമാണ് അദ്ദേഹത്തിന് കളിക്കാനായത്. പരിക്കായിരുന്നു താരത്തിന് വില്ലനായത്.
സെവിയ്യയുടെ സി ടീമിന്റെ പരിശീലകനാണ് മാര്ച്ചേന ഇപ്പോള്. ജൂലിയാന് കലോറ, ജുവാന് കാര്ലോസ് മാര്ട്ടിനെസ് എന്നിവരാണ് സ്പെയിനിന്റെ പുതി പരിശീലക സംഘത്തിലെ മറ്റ് അംഗങ്ങള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ