പത്തനംതിട്ട; വിദേശത്തുനിന്നെത്തി ക്വാറന്റീനിൽ കഴിഞ്ഞിരുന്ന പത്തനംതിട്ട സ്വദേശിയ്ക്ക് കൂട്ടായി വളർത്തുനായയും ഉണ്ടായിരുന്നു. പരിശോധന ഫലം വന്നതോടെ ഉടമയ്ക്ക് രോഗം സ്ഥിരീകരിച്ചതിനെ തുടർന്ന് വളർത്തുനായയേയും നിരീക്ഷണത്തിലാക്കി. കോഴഞ്ചേരി അയിരൂര്‍ ഇടപ്പാവൂര്‍ സ്വദേശിയ്ക്കാണ് ബുധനാഴ്ച ഫലം പോസിറ്റീവായത്.
ദുബായില്‍നിന്ന് മാര്‍ച്ച് 22-ന് എത്തിയ ഇദ്ദേഹം വീട്ടില്‍ നിരീക്ഷണത്തിലായിരുന്നു. പ്രകടമായ രോഗലക്ഷണങ്ങളുണ്ടായില്ല. സ്രവ പരിശോധനയില്‍ രോഗം സ്ഥിരീകരിച്ചതോടെ പത്തനംതിട്ട ജനറല്‍ ആശുപത്രിയിലേക്ക് മാറ്റി. വീട്ടിലുണ്ടായിരുന്ന സമയത്ത് നായയുമായി അടുത്തു ഇടപഴകിയിരുന്നു. തുടർന്നാണ് നായയേയും നിരീക്ഷണത്തിലാക്കിയത്. മനുഷ്യരിൽ നിന്ന് മൃഗങ്ങളിലേക്ക് രോഗം പടർന്നതായി സ്ഥിരീകരിച്ചതോടെയാണ് നടപടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
