കോഴിക്കോട് : സിപിഎം വയനാട് ജില്ലാ സെക്രട്ടറിയായി പി ഗഗാറിനെ തെരഞ്ഞെടുത്തു. നിലവില്‍ സിപിഎം ജില്ലാ കമ്മിറ്റി അംഗമാണ്. വൈത്തിരി പഞ്ചായത്ത് പ്രസിഡന്റ്, സിഐടിയു ജില്ലാ വൈസ് പ്രസിഡന്റ് സ്ഥാനങ്ങള്‍ വഹിച്ചിട്ടുണ്ട്. ഒ ആര്‍ കേളു എംഎല്‍എ, ആര്‍ സുഗതന്‍, പിആര്‍ ജയപ്രകാശ് എന്നിവരെ ജില്ലാ കമ്മിറ്റിയിലേക്ക് പുതുതായി തെരഞ്ഞെടുത്തു.
തൃശൂര്‍ ജില്ലാ സെക്രട്ടറിയായി കെ. രാധാകൃഷ്ണനെ വീണ്ടും തെരഞ്ഞെടുത്തു. ഐക്യകണ്‌ഠേനയാണ് ജില്ലാ സെക്രട്ടറിയെ തെരഞ്ഞെടുത്തത്. പുതിയ അംഗങ്ങള്‍ ഉള്‍പ്പെടെ 45 അംഗ ജില്ലാ കമ്മറ്റിയാണ് തൃശൂരില്‍ നിലവില്‍ വന്നത്. അതേസമയം വിഭാഗീയത ആരോപിച്ച് പാര്‍ട്ടി നടപടി എടുത്ത ടി ശശിധരനെ ഇത്തവണയും ജില്ലാ കമ്മിറ്റിയില്‍ ഉള്‍പ്പെടുത്തിയിട്ടില്ല.
വര്‍ഗീയ ശക്തികള്‍ക്കെതിരായ ചെറുത്തുനില്‍പ്പ് തുടരുമെന്നും, വരുന്ന തെരഞ്ഞെടുപ്പുകളിലും ജില്ലയില്‍ ഒന്നാം സ്ഥാനം നിലനിര്‍ത്താന്‍ പാര്‍ട്ടിക്കാകുമെന്നും കെ രാധാകൃഷ്ണന്‍ പറഞ്ഞു. നിലവില്‍ സിപിഎം സംസ്ഥാന കമ്മറ്റി അംഗമായ അദ്ദേഹം നാല് തവണ ചേലക്കര നിയോജക മണ്ഡലത്തില്‍ നിന്ന് നിയമസഭയിലെത്തി. ഇ കെ നായനാര്‍ മന്ത്രിസഭയില്‍ പട്ടികജാതി ക്ഷേമ യുവജന കാര്യ മന്ത്രിയായിരുന്നു. പന്ത്രണ്ടാം നിയമസഭയില്‍ സ്പീക്കറായും കെ രാധാകൃഷ്ണന്‍ പ്രവര്‍ത്തിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
ടെലഗ്രാം ചാനൽ സബ്സ്ക്രൈബ് ചെയ്യാൻ ക്ലിക്ക് ചെയ്യൂ
