തിരുവനന്തപുരം: ജിഷ്ണുവിന്റെ അമ്മയ്ക്കും കുടുംബാംഗങ്ങള്ക്കുമെതിരായ പൊലീസ് നടപടിയെ വിമര്ശിച്ച് ഭരണപരിഷ്കാര കമ്മിഷന് ചെയര്മാന് വി.എസ്.അച്യുതാനന്ദന്. പൊലീസ് നടപടിക്ക് പിന്നാലെ സംസ്ഥാന പൊലീസ് മേധാവിയെ വിഎസ് ഫോണില് വിളിച്ച് ശകാരിച്ചു.
ജിഷ്ണുവിന്റെ കുടുംബത്തിനെതിരായ പൊലീസ് നടപടി ലജ്ജാകരമാണ്. ജിഷ്ണുവിന്റെ മരണവുമായി ബന്ധപ്പെട്ട പ്രതികളെ അറസ്റ്റ് ചെയ്യുന്നതിന് പകരം ജിഷ്ണുവിന്റെ ബന്ധുക്കളെയാണ് പൊലീസ് അറസ്റ്റ് ചെയ്തിരിക്കുന്നതെന്നും വിഎസ് പറഞ്ഞു.
ജിഷ്ണുവിന്റെ മരണത്തില് ഉത്തരവാദികളായവരെ നിയമത്തിന് മുന്നില് കൊണ്ടുവരണമെന്ന് ആവശ്യവുമായി ഡിജിപി ലോക്നാഥ് ബെഹ്റയുടെ ഓഫീസിന് മുന്നില് സമരത്തിനെത്തിയ ജിഷ്ണുവിന്റെ അമ്മ മഹിജയേയും ബന്ധുക്കളേയും പൊലീസ് ബലം പ്രയോഗിച്ച് നീക്കിയതിനെതിരെയാണ് വിഎസിന്റെ പ്രതികരണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ