ജിഷ്ണുവിന്റെ അമ്മ ആര്‍എസ്എസിന്റെയും യുഡിഎഫിന്റെയും കയ്യില്‍;എംഎം മണി
By സമകാലിക മലയാളം ഡെസ്‌ക്‌ | Published: 06th April 2017 12:59 PM |
Last Updated: 06th April 2017 01:25 PM | A+A A- |
തിരുവനന്തപുരം: ജിഷ്ണു പ്രണോയിയുടെ അമ്മ മഹിജയെ മര്‍ദ്ദിച്ച പൊലീസ് നടപടിയെ ന്യായീകരിച്ചും മഹിജയ്‌ക്കെതിരെ രാഷ്ട്രീയ ആരോപണങ്ങള്‍ ഉന്നയിച്ചും വൈദ്യുതി മന്ത്രി എംഎം മണി. പൊലീസ് നടപടിയില്‍ വീഴ്ച വന്നിട്ടില്ല. ഡിജിപിയുടെ ഓഫീസിന് മുന്നിലെത്തിയാല്‍ അറസ്റ്റ് ചെയ്യും.മഹിജ ആര്‍എസ്എസിന്റെയും ബിജെപിയുടേയും യുഡിഎഫിന്റെയും കയ്യിലാണ്. അവരെ ഈ പാര്‍ട്ടികള്‍ ഉപയോഗപ്പെടുത്തുകയാണ്. മണി പറഞ്ഞു. മുഖ്യമന്ത്രി സന്ദര്‍ശിക്കാന്‍ വരുന്നുവെന്ന് പറഞ്ഞപ്പോള്‍ കേസിലെ എല്ലാ പ്രതികളെയും അറസ്റ്റ് ചെയ്തതിനുശേഷം മാത്രം തന്നെ കാണാന്‍ വന്നാല്‍ മതിയെന്നാണ് മഹിജ പറഞ്ഞിരുന്നത്. നമുക്കവരോട് സഹാനഭൂതിയുണ്ട്. സുപ്രീംകോടതിയില്‍ ഉള്‍പ്പെടെ ആ കേസിനു വേണ്ട കാര്യങ്ങളുമായി സര്‍ക്കാര്‍ മുന്നോട്ട് പോകുകയാണ്. സര്‍ക്കാരിന് ചെയ്യാന്‍ കഴിയുന്നതെല്ലാം ചെയ്യും. എംഎം മണി പറഞ്ഞു.
