സിംഹത്തെ കണ്ടാല്‍ പട്ടി കുരയ്ക്കുന്ന പോലയെന്ന് മോദിക്കെതിരായ മണിയുടെ പരാമര്‍ശമെന്ന് സുബ്രഹ്മണ്യന്‍ സ്വാമി
Published: 09th April 2017 09:13 PM |
Last Updated: 09th April 2017 09:13 PM | A+A A- |
പാലക്കാട്; പ്രധാനമന്ത്രി നരേന്ദ്രമോദിക്കെതിരായ എംഎം മണിയുടെ പരാമര്‍ശത്തിനെതിരെ രൂക്ഷവിമര്‍ശനവുമായി ബിജെപി നേതാവും എംപിയുമായ സുബ്രഹമ്ണ്യന്‍സ്വാമി. സിംഹത്തെ കാണുമ്പോള്‍ പട്ടി കുരയ്ക്കുന്നത് സാധാരണമാണെന്ന് സുബ്രഹ്മണ്യം സ്വാമി പാലക്കാട്ട് പറഞ്ഞു. ഒ രാജഗോപാലിന്റെ ജീവചരിത്രം പ്രകാശനം ചെയ്യാനെത്തിയതായിരുന്നു സുബ്രഹ്മണ്യന്‍ സ്വാമി.
കേരളത്തിലെ കമ്യൂണിസ്റ്റുകാര്‍ രാജ്യദ്രേഹികളാണ്. മുസ്ലീം ലീഗ് ജിഹാദികളാണെന്ന പറഞ്ഞ സ്വാമി കോണ്‍ഗ്രസുകാര്‍ അഴിമതിക്കാരാണൈന്നും അഭിപ്രായപ്പെട്ടു. കേരളത്തിന് പുരോഗതിയിലേക്ക് കുതിക്കാന്‍ ഈ രണ്ടുമുന്നണികളും ഇല്ലാതാകണം. അതിന്റെ തുടക്കമാണ് രാജഗോപാല്‍ കേരളത്തില്‍ നിര്‍വഹിച്ചതെന്നും സ്വാമി വ്യക്തമാക്കി.
പരപ്പന അഗ്രഹാര ജയിലില്‍ കിടന്ന് തമിഴ്‌നാട്ടില്‍ അരങ്ങേറുന്നത് ശശികലയുടെ ഡിജിറ്റല്‍ ഭരണമാണ്. അവരുടെ നിയന്ത്രണത്തിലാണ് കാര്യങ്ങള്‍ പുരോഗമിക്കുന്നതെന്നും തമിഴ്‌നാട് ജയിലിലേക്ക് മാറാന്‍ നിയമതടസമുണ്ടെന്നും സ്വാമി അഭിപ്രായപ്പെട്ടു.
