നടി റിമാ കല്ലിങ്കലിനെതിരെ കേസെടുക്കാന്‍ നിയമോപദേശം തേടി

കൊച്ചിയില്‍ ആക്രമിക്കപ്പെട്ട നടിയുടെ പേര് പരസ്യമായി വെളിപ്പെടുത്തിയതിന് നടി റിമാകല്ലിങ്കലിനെതിരെ കേസെടുത്തേക്കും - ഇക്കാര്യത്തില്‍ പൊലീസ് നിയമോപദേശം തേടി 
നടി റിമാ കല്ലിങ്കലിനെതിരെ കേസെടുക്കാന്‍ നിയമോപദേശം തേടി

കൊച്ചി: ആക്രമിക്കപ്പെട്ട നടിയുടെ പേര് സമൂഹമാധ്യമത്തില്‍ വെളിപ്പെടുത്തിയതിനെതിരെ നടി റിമാ കല്ലിങ്കലിനെതിരെ കേസെടുത്തേക്കും. നടിയുടെ പരാമര്‍ശത്തിനെതിരെ നേരത്തെ മുപ്പത്തടം സ്വദേശി പൊലീസില്‍ പരാതി നല്‍കിയിരുന്നെങ്കിലും നടിക്കെതിരെ കേസെടുത്തിരുന്നില്ല. അതിന് കാരണമായത് തന്റെ പരാമര്‍ശത്തില്‍ പരാതിയില്ലെന്ന് ഇരയായ നടിയുടെ കത്ത് പൊലീസ് സ്റ്റേഷനില്‍ നല്‍കിയിരുന്നു. ഈ സാഹചര്യത്തിലാണ് റിമയ്‌ക്കെതിരെ കേസടുക്കാതിരുന്നത്.

എന്നാല്‍ സമാനമായ രീതിയില്‍ ഫെയ്‌സ്ബുക്കില്‍ ഇരയുടെ പേര് പരാമര്‍ശം നടത്തിയ നടന്‍ അജുവര്‍ഗീസ് ഇരയായ നടിയുടെ ഇത്തരത്തിലുള്ള പരാമര്‍ശം ഹൈക്കോടതിയില്‍ സത്യവാങ്മൂലം നല്‍കിയിരുന്നെങ്കിലും ഇരയക്ക് പരാതിയില്ലെങ്കിലും കേസ് നിലനില്‍ക്കുമെന്ന് ഹൈക്കോടതി വ്യക്തമാക്കിയിരുന്നു. ഈ സാഹചര്യത്തിലാണ് റിമയ്‌ക്കെതിരെ കേസെടുക്കുന്ന കാര്യത്തില്‍ പൊലീസ് നിയമോപദേശം തേടിയത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com