തിരുവനന്തപുരം: ആര്‍എസ്എസ് പ്രവര്‍ത്തകരുടെ ആക്രമണത്തില്‍ കൊല്ലപ്പെട്ട 21 സിപിഎം പ്രവര്‍ത്തകരുടെ കുടുംബങ്ങളെ രാജ്ഭവന് മുന്നില്‍ അണിനിരത്തി സിപിഎം. ആര്‍എസ്എസ് പ്രവര്‍ത്തകരെ സിപിഎം കൊന്നൊടുക്കുന്നു എന്ന ആരോപണം ശക്തമാക്കാന്‍ ബിജെപി ശ്രമിക്കുന്നത് മുന്നില്‍ കണ്ടാണ് കൊല്ലപ്പെട്ട സിപിഎം പ്രവര്‍ത്തകരുടെ കുടുംബങ്ങളെ സിപിഎം രാജ്ഭവന് മുന്നില്‍ എത്തിച്ചിരിക്കുന്നത്.
കൊല്ലപ്പെട്ട സിപിഎം പ്രവര്‍ത്തകരുടെ കുടുംബാംഗങ്ങള്‍ രാജ്ഭവന് മുന്നില്‍ സത്യാഗ്രഹം ആരംഭിച്ചു. തിരുവനന്തപുരത്തെത്തിയ കേന്ദ്ര മന്ത്രി അരുണ്‍ ജെയ്റ്റ്‌ലി കൊലപ്പെട്ട ആര്‍എസ്എസ് പ്രവര്‍ത്തകന്റെ കുടുംബത്തെ സന്ദര്‍ശിക്കുമ്പോള്‍, തങ്ങളേയും സന്ദര്‍ശിക്കണമെന്നാണ് ഇവര്‍ മുന്നോട്ട് വയ്ക്കുന്ന ആവശ്യം.
സിപിഎം ആര്‍എസ്എസ് പ്രവര്‍ത്തകരെ ആക്രമിക്കുന്നുവെന്ന് ദേശീയ തലത്തില്‍ തന്നെ പ്രചരിപ്പിക്കാന്‍ ശ്രമിക്കുന്ന ആര്‍എസ്എസ് നീക്കത്തിന് തടയിടുക കൂടിയാണ് സിപിഎം ലക്ഷ്യമിടുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
