അഡ്മിന്‍ സരിതയുടെ പോസ്റ്റ് അനുവാദമില്ലാതെ ഷെയര്‍ ചെയ്തതിന് തന്റെ വെരിഫൈ ചെയ്ത ഫേസ്ബുക്ക് പേജ് തന്നെ ഒഴിവാക്കി സാമൂഹ്യപ്രവര്‍ത്തകയും അഭിനേത്രിയുമായ പാര്‍വതി. പാര്‍വതി ടി എന്ന പേരിലുള്ള ഫേസ്ബുക്ക് പേജാണ് പാര്‍വ്വതി ഒഴിവാക്കിയത്.
ദിലീപ് വിഷയത്തിലുള്ള ഒരു പോസ്റ്റും സരിത നായരുടെ പേരിലുള്ള ഒരു പോസ്റ്റുമാണ് അറിയാതെ ഷെയര്‍ ആയത്. ഇതിന്റെ സ്‌ക്രീന്‍ ഷോട്ട് കൈയില്‍ കിട്ടുമ്പോഴാണ് ഷെയര്‍ ചെയ്ത വിവരം താനറിയുന്നത്. പേജ് വെരിഫൈ ചെയ്യുന്നതിന്റെ പേരില്‍ അഡ്മിന്‍ ബി ബി ധനഞ്ജയാണ് ഇത് ചെയ്തതെന്ന് മനസ്സിലാക്കാന്‍ സാധിച്ചു . ഇതേക്കുറിച്ചറിയാന്‍ വിളിച്ചപ്പോള്‍ അറിയാതെ പറ്റിയതാണെന്നായിരുന്നു മറുപടി.
ഇനിയും ഇങ്ങനെ അറിയാതെ പറ്റുമെന്നുള്ളതുകൊണ്ട് പേജ് ഡിലീറ്റ് ചെയ്യാന്‍ ആവശ്യപ്പെട്ടു. ഇവര്‍ക്ക് പ്രൊമോട്ട് ചെയ്യാന്‍ കിട്ടുന്ന പോസ്റ്റുകള്‍ ഇവര്‍ മാനേജ് ചെയ്യുന്ന പേജുകളില്‍ അനുവാദമില്ലാതെ ഷെയര്‍ ചെയ്തത് തെറ്റാണ് എന്ന് മാത്രമല്ല ഫ്രോഡ് ഏര്‍പ്പാടാണെന്നും പാര്‍വ്വതി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
