മാഡം സിനിമാനടി തന്നെയെന്നാവര്ത്തിച്ച് പള്സര് സുനി; അങ്കമാലി കോടതിയില് വെളിപ്പെടുത്തുമെന്നും സുനി
കൊച്ചി: നടിയെ ആക്രമിച്ച കേസിലെ ദുരൂഹ കഥാപാത്രമായ മാഡം ആരെന്ന് പള്സര് സുനി വെളിപ്പെടുത്തിയില്ല. അങ്കമാലി കോടതിയില് നടിയുടെ പേര് വെളിപ്പെടുത്തുമെന്നും സുനി പറഞ്ഞു. റിമാന്ഡ് കാലാവധി അവസാനിച്ചതിനെ തുടര്ന്ന് എറണാകുളം കോടതിയില് ഹാജരാക്കാന് കൊണ്ടുവന്നപ്പോള് മാധ്യമപ്രവര്ത്തകരുടെ ചോദ്യത്തിന് അത് സിനിമാ നടി മാത്രമാണെന്നായിരന്നു സുനിയുടെ മറുപടി.
മാഡം ആരാണ് ഇന്ന് വെളിപ്പെടുത്തുമെന്നായിരുന്നു മുമ്പ് കോടതിയില് ഹാജരാക്കാന് കൊണ്ടുവന്നപ്പോള് സുനി മാധ്യമങ്ങള് മുമ്പാകെ പറഞ്ഞിരുന്നത്. നടി ആരാണെന്ന് മാധ്യമങ്ങള് ആവര്ത്തിച്ചുചോദിച്ചെങ്കിലും സിനിമാ നടിയാണെന്നുമാത്രമായിരുന്നു മറുപടി. മറ്റൊരു നടിയെ ആക്രമിത്ത കേസിലാണ് സുനിയെ എറണാകുളം സെഷന്സ് കോടതിയില് ഹാജരാക്കിയത്. മാഡത്തിന്റെ പേര് വെളിപ്പെടുത്തുന്നതോടെ നടി ആക്രമിക്കപ്പെട്ട കേസിന് നിര്ണയാകമായ തെളിവ് ലഭിക്കുമെന്നാണ് വിലയിരുത്തല്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ