കായംകുളം: ആലപ്പുഴയിലെ ഓച്ചിറയില് 10 കോടി രൂപയുടെ അസാധു നോട്ടുകള് പിടികൂടി. കാറില് കടത്താന് ശ്രമിക്കുമ്പോഴായിരുന്നു ഇവ പിടികൂടിയത്.
അസാധു നോട്ടുകള് കടത്തിയ സംഘത്തിലെ അഞ്ച് പേരെ പൊലീസ് കസ്റ്റഡിയിലെടുത്തിട്ടുണ്ട്. ഇവര് പാലക്കാട് സ്വദേശികളാണ്. കാറില് നിന്നും 500, 1000 രൂപ നോട്ടുകളിലായി 10 കോടി രൂപയാണ് ഉണ്ടായിരുന്നത്.
നിരോധിച്ച പഴയ നോട്ടുകള് വാങ്ങി കുറഞ്ഞ നിരക്കില് പുതിയ നോട്ടുകള് നല്കുന്ന സംഘമാണ് ഇവരെന്നാണ് പൊലീസിന്റെ പ്രാഥമിക നിഗമനം. ആലപ്പുഴ എസ്പി കായംകുളത്തെത്തി സംഘത്തെ ചോദ്യം ചെയ്യും. പത്ത് കോടി രൂപയുടെ നിരോധിച്ച നോട്ടുകള് ഉണ്ടെന്നാണ് പിടിയിലായിരിക്കുന്ന സംഘം പൊലീസിനോട് പറഞ്ഞിരിക്കുന്നത്. എന്നാല് കൃത്യമായി എത്ര രൂപയാണ് ഉള്ളതെന്ന് പൊലീസ് സ്ഥിരീകരിച്ചിട്ടില്ല.
നിരോധിച്ച വാഹനപരിശോധനയ്ക്കിടെയായിരുന്നു നോട്ടുകള് പൊലീസ് കണ്ടെടുത്തത്. നോട്ടുകള് കടത്താന് ശ്രമിച്ച വാഹനവും പൊലീസ് കസ്റ്റഡിയിലെടുത്തിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ