തെരഞ്ഞെടുപ്പില്‍ പരാജയപ്പെട്ടെങ്കിലും നീതി ലഭിച്ചതില്‍ സന്തോഷമെന്ന്‌സാജുപോള്‍

ജിഷയുടെ കുടുംബത്തിന് നീതി ലഭിച്ചതില്‍ സന്തോഷം - അമ്മയുടെ അന്നത്തെ പരാമര്‍ശം മകള്‍ നഷ്ടപ്പെട്ട അമ്മയുടെ വികാരത്തള്ളിച്ച കൊണ്ടെന്നും സാജുപോള്‍ 
തെരഞ്ഞെടുപ്പില്‍ പരാജയപ്പെട്ടെങ്കിലും നീതി ലഭിച്ചതില്‍ സന്തോഷമെന്ന്‌സാജുപോള്‍

കൊച്ചി: ജിഷ  വധക്കേസില്‍ പ്രതി അമീറുള്‍ കുറ്റക്കാരനാണെന്ന കോടതി കണ്ടെത്തിയതിലൂടെ ജിഷയുടെ കുടുംബത്തിന് നീതി ലഭിച്ചെന്ന് പെരുമ്പാവൂര്‍ മുന്‍ എംഎല്‍എ സാജുപോള്‍. ജിഷയുടെ കുടുംബത്തിന് നീതി ലഭിച്ചതില്‍ വളരെ സന്തോഷമുണ്ടെന്നും സാജുപോള്‍ പറഞ്ഞു.

ജിഷയുടെ അമ്മയുടെ പരാമര്‍ശത്തെ തുടര്‍ന്ന് തെരഞ്ഞെടുപ്പില്‍ പരാജയപ്പെട്ടെങ്കിലും ആ കുടുംബത്തിന് നീതി ലഭിച്ചതില്‍ ചാരിതാര്‍ത്ഥ്യമുണ്ട്.  ആ ആമ്മയുടെ അന്നത്തെ  തനിക്കെതിരായ പരാമര്‍ശം മകള്‍ നഷ്ടപ്പെട്ടതിന്റെ വികാരത്തള്ളിച്ചകൊണ്ടുണ്ടായതാണ്. അതിന് പിന്നില്‍ അന്നത്തെ ഭരണാധികാരികളുടെ സമ്മര്‍ദ്ദവും ഉണ്ടായിരുന്നു. അന്നത്തെ അന്വേഷണം സംഘം കാര്യങ്ങള്‍ വളരെ ലാഘവ ബുദ്ധിയോടെയാണ് കണ്ടത്. അതുകൊണ്ട് അന്വേഷണ വിവരങ്ങള്‍ എല്ലാവരില്‍ നിന്നും മറച്ചുവെക്കുകയായിരുന്നെന്നും സാജുപോള്‍ പറഞ്ഞു. 

ജിഷയുടെ അമ്മ മകളുടെ സര്‍ട്ടിഫിക്കറ്റിനും പട്ടിക ജാതി വിഭാഗത്തില്‍പ്പെട്ടവര്‍ക്ക് വീട് ലഭിക്കാനാവശ്യമായ സഹായം തേടി തന്റെ ഓഫീസില്‍ എത്തിയിരുന്നു. ്അന്ന് എല്ലാ മാനദണ്ഡങ്ങളും മാറ്റി നിര്‍ത്തിയാണ് അവരെ സഹായിച്ചതെന്നും  അമ്മ രാജേശ്വേരി പട്ടിക ജാതി വിഭാഗത്തില്‍ അല്ലാതിരിന്നിട്ടും പരമാവധി സഹായങ്ങള്‍ ചെയ്തുകൊടുത്തിരുന്നെന്നും മുന്‍ എംഎല്‍എ പറയുന്നു

മുന്‍സര്‍ക്കാരില്‍ നിന്നും വിത്യസ്തമായി എഡിജിപി സന്ധ്യയുടെ നേതൃത്വത്തിലുള്ള അന്വേഷണസംഘത്തിന് കൃത്യമായാ തെളിവുകള്‍ കണ്ടെത്താന്‍ കഴിഞ്ഞതുകൊണ്ടാണ് പ്രതിയെ നിയമത്തിന് മുന്നില്‍ കുറ്റക്കാരനാണെന്ന് കണ്ടെത്താന്‍ ഇടയാക്കിയതെന്നും സാജുപോള്‍ പറഞ്ഞു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com