വെളിപാടിന്റെ പുസ്തകം ടീസര്‍ പുറത്തിറങ്ങി

സംഗീത പശ്ചത്തലത്തിലൊരുക്കിയ 39 സെക്കന്റ് ദൈര്‍ഘ്യമുള്ള ടീസറില്‍ മോഹന്‍ലാലിന്റെ വ്യത്യസ്തമായ ഗെറ്റപ്പാണ് ടീസറിന്റെ ഹൈലൈറ്റ്
വെളിപാടിന്റെ പുസ്തകം ടീസര്‍ പുറത്തിറങ്ങി

കൊച്ചി: മോഹന്‍ലാലിനെ നായകനാക്കി ലാല്‍ജോസ് ഒരുക്കുന്ന വെളിപാടിന്റെ പുസ്തകം എന്ന ചിത്രത്തിന്റെ ഒഫീഷ്യല്‍ ടീസര്‍ പുറത്തിറങ്ങി. മൈക്കിള്‍ ഇടിക്കുള എന്ന മോഹന്‍ലാല്‍ കഥാപാത്രത്തെ പരിചയപ്പെടുത്തുകയാണ് ടീസറില്‍. മോഹന്‍ലാല്‍ അവതരിപ്പിക്കുന്ന പ്രൊഫസര്‍ ഇടിക്കുള കോളേജിലേക്ക് സൈക്കിളില്‍ വരുന്ന ഭാഗമാണ് ടീസറില്‍ കാണിക്കുന്നത്. 

സംഗീത പശ്ചത്തലത്തിലൊരുക്കിയ 39 സെക്കന്റ് ദൈര്‍ഘ്യമുള്ള ടീസറില്‍ മോഹന്‍ലാലിന്റെ വ്യത്യസ്തമായ ഗെറ്റപ്പാണ് ടീസറിന്റെ ഹൈലൈറ്റ്.  താടിയും കണ്ണടയുമൊക്കെ വെച്ച്  പഴയ ലുക്കിലാണ് മോഹന്‍ലാല്‍ എത്തുന്നത്. മോഹന്‍ലാലും ലാല്‍ജോസും ഒരുമിക്കുന്ന ആദ്യചിത്രത്തത്തെ ആരാധകര്‍ ഏറെ പ്രതീക്ഷയോടെയാണ് കാണുന്നത്.

അങ്കമാലി ഡയറീസിലെ അന്നാ രേഷ്മ രാജനാണ് ചിത്രത്തിലെ നായികയായി എത്തുന്നത്.  ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ചിത്രത്തിന്റെ തിരക്കഥയൊരുക്കിയത് ബെന്നി പി നായരമ്പലമാണ്. ഷാന്‍ റഹ്മാനാണ് ചിത്രത്തിന്റെ സംഗീത സംവിധാനം. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com