കൊച്ചി: നടി ആക്രമിക്കപ്പെട്ട കേസുമായി ബന്ധപ്പെട്ട ചോദ്യം ചെയ്യലിനിടെ പൊലീസ് തന്നെ ക്രൂരമായി പീഡിപ്പിച്ചെന്ന് പള്‍സര്‍ സുനി. തൃക്കാക്കര ആശുപത്രിയിലേക്ക് വൈദ്യപരിശോധനയ്ക്കായി കൊണ്ടുപോകുന്നതിന് ഇടയിലാണ് സുനി മാധ്യമങ്ങളോട് പ്രതികരിച്ചത്.
തന്റെ മരണമൊഴി എടുക്കാന്‍ വരുന്നതിന് മജിസ്‌ട്രേറ്റിനോട് ആവശ്യപ്പെടും. നടിയെ അക്രമിച്ച സംഭവവുമായി ബന്ധപ്പെട്ട ക്വട്ടേഷന്റെ കാര്യങ്ങള്‍ വെളിപ്പെടുത്തിയതുകൊണ്ടാണ് താന്‍ ഇതൊക്കെ അനുഭവിക്കുന്നതെന്നും സുനി പറഞ്ഞു.
ജയിലിലെ ഫോണ്‍വിളിയുമായി ബന്ധപ്പെട്ടാണ് പൊലീസ് സുനിയെ കസ്റ്റഡിയില്‍ വാങ്ങിയിരിക്കുന്നതെങ്കിലും, നടിയെ ആക്രമിച്ച കേസിലെ ഗൂഢാലോചനയുമായി ബന്ധപ്പെട്ടാണ് ചോദ്യം ചെയ്യലെന്നും സുനി മാധ്യമങ്ങളോട് പറഞ്ഞു.
അതിനിടെ ചോദ്യം ചെയ്യലിനോട് പള്‍സര്‍ സുനി സഹകരിക്കുന്നില്ലെന്നാണ് സൂചന. കൂടുതല്‍ ചോദ്യങ്ങള്‍ക്കും ഉത്തരം പറയാതെ വിടുന്ന സുനി, പറയുന്ന ഉത്തരങ്ങള്‍ മാറ്റി പറയുകയുമാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
