കൊച്ചി: മുന്‍ ഡിജിപി സെന്‍കുമാറിന്റെ കാര്യത്തില്‍ പിണറായി വിജയന്റെ വാക്കുകള്‍ ഓര്‍മ്മിപ്പിച്ച് സംവിധായകന്‍ ആഷിഖ് അബു. ഫെയ്‌സ്ബുക്ക് പേജിലൂടെയാണ് ആഷിഖ് പിണറായിയുടെ വാക്കുകള്‍ ഷെയര്‍ ചെയ്തത്.
'നിങ്ങള്‍ വല്ലാതെ ബഹളം വെക്കേണ്ട അയാള്‍ നിങ്ങടെ കയ്യിലല്ല ഇപ്പോ മറ്റാളുകളുടെ കൈയ്യിലാണു നിങ്ങളേക്കാള്‍ കടുത്ത രാഷ്ട്രീയം അദ്ദേഹത്തിന്റെ കൈയ്യിലുണ്ട് അത് ഓര്‍മ്മിച്ചോ..'
സ: പിണറായി വിജയന്‍ (മുന്‍പേ പറഞ്ഞത് )
മുസ്ലീം വിഭാഗത്തിനെതിരെ രൂക്ഷവിമര്‍ശനവുമായി സെന്‍കുമാര്‍ രംഗത്തെത്തിയതിന് പിന്നാലെ സാമൂഹ്യമാധ്യമങ്ങളിലുള്‍പ്പെടെ പരാമര്‍ശത്തിനെതിരെ കടുത്ത വിമര്‍ശനങ്ങളാണുയരന്നത്.
ഒരു മുസ്‌ലിമിന് സ്വര്‍ഗ്ഗത്തില്‍ പോകണമെങ്കില്‍ ജിഹാദ് നടത്തിയേ പറ്റൂ എന്ന് പഠിപ്പിക്കുകയും ആ ജിഹാദ് എന്നത് മറ്റുള്ള മതക്കാരെ മുസ്‌ലിമാക്കുകയും അമുസ്‌ലീങ്ങളെ കൊന്നുകളയുകയുമാണ് എന്നും പറയുന്നിടത്താണ് പ്രശ്‌നം വരുന്നതെന്ന് സെന്‍കുമാര്‍ പറഞ്ഞു. കേരളത്തില്‍ നൂറ് കുട്ടികള്‍ ജനിക്കുമ്പോള്‍ അതില്‍ 42 മുസ്‌ലിം കുട്ടികളാണ്. ജനസംഖ്യാ ഘടന ഈ രീതിയില്‍ പോയാല്‍ ഭാവിയില്‍ വരാന്‍ പോവുന്നത് ഏതു രീതിയിലുള്ള മാറ്റമായിരിക്കുമെന്ന് സമകാലിക മലയാളവുമായുള്ള അഭിമുഖത്തില്‍ അദ്ദേഹം അഭിപ്രായപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
