കൊച്ചി: ജനപ്രിയ നായകന് വില്ലനായതറിഞ്ഞ് ആലുവാ പൊലീസ് സ്റ്റേഷന് മുന്നില് പ്രതിഷേധവുമായി വന് ജനക്കൂട്ടം. ദിലീപിനെ അറസ്റ്റ് ചെയ്ത കേരളാ പോലീസിനെ അഭിനന്ദിച്ചുകൊണ്ട് ഡിവൈഎഫ്ഐക്കാരും ദിലീപിനെ സഹായിച്ച ഇന്നസെന്റ് എംപിക്കെതിരേ മുദ്രാവാക്യം വിളിച്ച് യൂത്ത് കോണ്ഗ്രസ് സംഘവും ചേരിതിരിഞ്ഞ് മുദ്രാവാക്യം വിളിച്ചു. തങ്ങളുടെ നാട്ടുകാരനായ ഒരാള് ഇത്തരത്തില് ചെയ്തുവെന്ന് വിശ്വസിക്കാനാകുന്നില്ലെന്നും ഇവരെയൊക്കെ ജനങ്ങള് തെരുവില് കൈകാര്യം ചെയ്യുകയാണ് വേണ്ടതെന്നും പൊലീസ് ക്ലബിന് മുന്നില് കൂടിയ നാട്ടുകാര് വിളിച്ചു പറയുന്നുണ്ടായിരുന്നു. ഇനി അധികം ഡെക്കറേഷന് ഒന്നും വേണ്ട ഗോപല കൃഷ്ണന് എന്ന പഴയ പേര് തന്നെ മതി എന്നാണ് ചിലരുടെ അഭിപ്രായം. പുറത്തേക്കിറക്കിവിട്, ഞങ്ങള് കൈകാര്യം ചെയ്തുകൊള്ളാമെന്ന് മറ്റു ചിലര്.
വന് പൊലീസ് സന്നാഹത്തിലാണ് പൊലീസ് ദിലീപിനെ ആലുവ പൊലീസ് കക്ലബിനുള്ളില് എത്തിച്ചിരിക്കുന്നത്. ഇന്നുതന്നെ കോടതിയില് ഹാജരാക്കും എന്നാണ് ലഭിക്കുന്ന വിവരം. ദിലീപിനെ പ്രതിചേര്ത്ത് റിപ്പോര്ട്ട് തയ്യാറാക്കും. ഇന്ന് രാവിലെയാണ് ഒന്നാംപ്രതി പള്സര് സുനിയുടെ മൊഴിയുടെ അടിസ്ഥാനത്തില് ദിലീപിനെ പൊലീസ് കസ്റ്റഡിയിലെടുത്തത്. വൈകുന്നേരം 6.30ഓടെ അറസ്റ്റ് രേഖപ്പെടുത്തി അജ്ഞാത കേന്ദ്രത്തില് നിന്നും ആലുവ പൊലീസ് ക്ലബില് എത്തിക്കുകയായികുന്നു. നാലുപേര് കൂടി കസ്റ്റഡിയിലുണ്ട് എന്ന് വിവരങ്ങള് ലഭിക്കുന്നുണ്ടെങ്കിലും അറസ്റ്റ് സ്ഥിരീകരിച്ച ഡിജിപി ലോക്നാഥ് ബഹ്റ വേറെയാരൊക്കെ കസ്റ്റഡിയുണ്ടെന്ന് പറഞ്ഞിട്ടില്ല.
ദിലീപിനെ അറസ്റ്റ് ചെയ്തത് കൃത്യമായ തെളിവുകളുടെ അടിസ്ഥാനത്തില്; അറസ്റ്റ് സ്ഥിരീകരിച്ച് ഡിജിപി
ക്വട്ടേഷന് പിന്നില് വ്യക്തി വൈരാഗ്യം; നാദിര്ഷയും കസ്റ്റഡിയില്
മലയാള സിനിമയിലെ വരേണ്യവര്ഗത്തിന്റെ സാധാരണക്കാരോടുള്ള മോശം മനോഭാവമാണ് വെളിപ്പെട്ടത്: വിനയന്
നടി ആക്രമിക്കപ്പെട്ട സംഭവം; ദിലീപ് അറസ്റ്റില്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ