നടിയെ ആക്രമിച്ച സംഭവം: ആര് വിചാരിച്ചാലും പ്രതിയെ രക്ഷിക്കാനാവില്ലെന്ന് മന്ത്രി എകെ ബാലന്‍
By സമകാലികമലയാളം ഡെസ്‌ക് | Published: 11th July 2017 06:48 PM |
Last Updated: 11th July 2017 06:48 PM | A+A A- |
ആലപ്പുഴ: കൊച്ചിയില്‍ നടിയെ ആക്രമിച്ച കേസില്‍ പ്രതിയെ രക്ഷിക്കാന്‍ ആരു വിചാരിച്ചാലും സാധ്യമല്ലെന്ന് മന്ത്രി എകെ ബാലന്‍. ഭരണപക്ഷത്തായാലും പ്രതിപക്ഷത്തായാലും ഒരു കുറ്റവാളിപോലും ഈ സര്‍ക്കാരിന്റെ കാലത്ത് രക്ഷപ്പെട്ടുപോകില്ലെന്ന് മന്ത്രി വ്യക്തമാക്കി.
ഗൂഢാലോചന തെളിയിക്കുന്നതിനും പ്രതികള്‍ രക്ഷപ്പെടാനുള്ള എല്ലാ പഴുതുകളും അടയ്ക്കുന്നതിനും ആവശ്യമായ തെളിവുകള്‍ ശേഖരിക്കുന്നതില്‍ കേരള പോലീസ് ഇന്ത്യയ്ക്ക് മാതൃകയായതിന്റെ തെളിവായി ഈ സംഭവത്തെ കാണാം. കുറ്റകൃത്യം നടത്തുന്നതിന് നേരിട്ട് നേതൃത്വം നല്‍കിയവരെല്ലാം ഇപ്പോള്‍ ജയിലിലാണെന്നും മന്ത്രി കൂട്ടിച്ചേര്‍ത്തു.
സാധാരണഗതിയില്‍ ഗൂഢാലോചനക്കേസ് തെളിയിക്കുക പ്രയാസമാണ്. ഈ കേസില്‍ ഗൂഢാലോചനയ്ക്ക് നേതൃത്വം നല്‍കിയ എല്ലാവരെയും നിയമത്തിനു മുന്നില്‍ കൊണ്ടുവരുമെന്നും അദ്ദേഹം അറിയിച്ചു.
