ദിലീപിനെ പിടിച്ചത് നന്നായി;കുറ്റവാളികള്‍ ആരായാലും അറസ്റ്റ് ചെയ്യാനാണ് പൊലീസിനോട് പറഞ്ഞത്: മുഖ്യമന്ത്രി

അറസ്റ്റ് നടന്ന ഉടനെതന്നെ ഗൂഢാലോചനക്കാരുടെ പിന്നാലെപോകാനല്ല കഴിയുക
ദിലീപിനെ പിടിച്ചത് നന്നായി;കുറ്റവാളികള്‍ ആരായാലും അറസ്റ്റ് ചെയ്യാനാണ് പൊലീസിനോട് പറഞ്ഞത്: മുഖ്യമന്ത്രി

തിരുവനന്തപുരം: നടിയെ ആക്രമിച്ച സംഭവത്തില്‍ നടന്‍ ദിലീപിനെ അറസ്റ്റ് ചെയ്തത് നന്നായെന്ന് മുഖ്യമന്ത്രി പിണറായി വിജയന്‍.കുറ്റം ചെയ്തിട്ടുണ്ടെങ്കില്‍ ആരായാലും പൊലീസിന്റെ പിടിയില്‍പെടും.അതായത് നിയമത്തിന്റെ കരങ്ങളില്‍ കുറ്റവാളികള്‍ പെടുകതന്നെ ചെയ്യും,അതാണ് ഇവിടെ സംഭവിച്ചിരിക്കുന്നത്. ഈ കേസില്‍ അറസ്റ്റ് തന്നെ അതിവേഗതയിലായിരുന്നു.ആ ഘട്ടത്തില്‍ത്തന്നെ അന്വേഷണം തുടരുമെന്ന് വ്യക്തമാക്കിയിരുന്നു.ഇപ്പോഴും അന്വേഷണത്തിന്റെ വഴിയില്‍ത്തന്നെയാണ് പൊലീസ്.

അറസ്റ്റ് നടന്ന ഉടനെതന്നെ ഗൂഢാലോചനക്കാരുടെ പിന്നാലെപോകാനല്ല കഴിയുക.ആദ്യം വേണ്ടത് ഇതുമായി ബന്ധപ്പെട്ട പ്രതികളെ പിടികൂടയായിരുന്നു. ആ സമയത്ത് ഗൂഢാലോചനയെപ്പറ്റി പറയുമ്പോള്‍ പൊലീസ് അന്വേഷണം തുടരുമെന്ന് അന്നേ വ്യക്തമാക്കിയിരുന്നു.ആ അന്വേഷണം തന്നെയാണ് ഇപ്പോഴും തുടരുന്നത്.പൊലീസിനോട് പറഞ്ഞിരുന്നത് കൃത്യമായ അന്വേഷണം നടത്തുക എന്നതാണ്. കുറ്റവാളികള്‍ ആരാണോ അവരെ പിടികൂടുക എന്ന നിര്‍ദ്ദേശമാണ് ഗവണ്‍മെന്റ് നല്‍കിയിട്ടുള്ളത്. അദ്ദേഹം പറഞ്ഞു. കേസിന്റെ ആദ്യഘട്ടത്തില്‍ ഗൂഢാലോചനയില്ല എന്ന മുഖ്യമന്ത്രിയുടെ പ്രസ്താവന വിവാദമായിരുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com