കൊച്ചി: പുതുമുഖ നടിയോട് അസ്ലീല ചുവയോടെ സംസാരിച്ചുവെന്ന പരാതിയില്‍ സംവിധായകന്‍ ജീന്‍പോള്‍ ലാലിനെ ഇന്ന് പൊലീസ് ചോദ്യം ചെയ്യും. ജീന്‍പോള്‍ ലാലിന് പുറമെ ശ്രീനാഥ് ഭാസി, അനിരുദ്ധ, അനൂപ് എന്നിവര്‍ക്കെതിരേയും യുവതി കൊച്ചി സിറ്റി പൊലീസ് കമ്മിഷണര്‍ക്ക് പരാതി നല്‍കിയിരുന്നു.
ഹണിബി-2ന്റെ സിനിമയില്‍ അഭിനയിച്ച നടിയാണ് പരാതി നല്‍കിയിരുന്നത്. തന്റെ അനുവാദം ഇല്ലാതെ ഡ്യൂപ്പിനെ വെച്ച് അപകീര്‍ത്തികരമായ ദൃശ്യങ്ങള്‍ ചിത്രീകരിച്ചുവെന്നും യുവതി പരാതിയില്‍ പറയുന്നു. 2016 നവംബര്‍ 16നായിരുന്നു കേസിനാസ്പദമായ സംഭവം എന്നാണ് യുവതി പരാതിയില്‍ പറയുന്നത്.
പനങ്ങാട് റമദാ ഹോട്ടലില്‍ വെച്ച്, പ്രതിഫലം ചോദിച്ച തന്നോട് ഇവര്‍ മോഷമായി പെരുമാറുകയായിരുന്നു എന്നാണ് യുവതിയുടെ പരാതി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
