അപ്പുണ്ണിക്കു മുന്‍കൂര്‍ ജാമ്യമില്ല, ചോദ്യം ചെയ്യലിനു ഹാജരാവണമെന്ന് ഹൈക്കോടതി

മുന്‍കൂര്‍ ജാമ്യം നല്‍കുന്നത് അന്വേഷണത്തെ ബാധിക്കുമെന്ന് വിലയിരുത്തിയാണ് ഹൈക്കോടതി നടപടി
അപ്പുണ്ണിക്കു മുന്‍കൂര്‍ ജാമ്യമില്ല, ചോദ്യം ചെയ്യലിനു ഹാജരാവണമെന്ന് ഹൈക്കോടതി

കൊച്ചി: നടിയെ ആക്രമിച്ച കേസില്‍ അറസ്റ്റിലായ നടന്‍ ദിലീപിന്റെ മാനേജര്‍ അപ്പുണ്ണി എന്ന സുനില്‍ രാജിന്റെ മുന്‍കൂര്‍ ജാമ്യാപേക്ഷ ഹൈക്കോടതി തള്ളി. മുന്‍കൂര്‍ ജാമ്യം നല്‍കുന്നത് അന്വേഷണത്തെ ബാധിക്കുമെന്ന് വിലയിരുത്തിയാണ് ഹൈക്കോടതി നടപടി. ചോദ്യം ചെയ്യലിനു ഹാജരാവാന്‍ അപ്പുണ്ണിയോട് കോടതി നിര്‍ദേശിച്ചു.

കേസില്‍ അപ്പുണ്ണിയെ ചോദ്യം ചെയ്യേണ്ടത് അനിവാര്യമാണെന്ന് പ്രോസിക്യൂഷന്‍ കോടതിയെ അറിയിച്ചു. അപ്പുണ്ണിയെ ഇതുവരെ കേസില്‍ പ്രതി ചേര്‍ത്തിട്ടില്ല. ചോദ്യം ചെയ്യലില്‍ മാത്രമേ കേസില്‍ അപ്പുണ്ണിയുടെ പങ്ക് വ്യക്തമാവൂവെന്ന് പ്രോസിക്യൂഷന്‍ ചൂണ്ടിക്കാട്ടി. 

കേസുമായി ബന്ധപ്പെട്ട് അപ്പുണ്ണിയെ പൊലീസ് ചോദ്യം ചെയ്തിരുന്നു. രണ്ടാംഘട്ട ചോദ്യം ചെയ്യലിന് ഹാജരാവന്‍ നോട്ടീസ് നല്‍കിയപ്പോഴാണ് അപ്പുണ്ണി സ്ഥലത്തില്ലന്നു വ്യക്തമായത്. ദിലീപ് അറസ്റ്റിലായതിനു പിന്നാലെയാണ് അപ്പുണ്ണി ഒളിവില്‍ പോയത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com