തിരുവനന്തപുരം: ശ്രീകാര്യത്ത് ആര്എസ്എസ് കാര്യവാഹക് രാജേഷിനെ വെട്ടിക്കൊലപ്പെടുത്തിയ സംഭവത്തില് മുഖ്യപ്രതികളെല്ലാം പിടിയില്. മണിക്കുട്ടന്,പ്രമോദ്,ഗിരീഷ്,മഹേഷ് എന്നിവരാണ് പിടിയിലായത്. ഡിവൈഎസ്പി: പ്രമോദ് കുമാറിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് പിടികൂടിയത്.
അക്രമവുമായി നേരിട്ട് ബന്ധമുള്ള ഇവരെ വിശദമായി ചോദ്യം ചെയ്യുകയാണ്. പ്രതികള് സഞ്ചരിച്ചിരുന്ന ബൈക്കുകള് കാട്ടാക്കടയില് നിന്നും പൊലീസ് കണ്ടെടുത്തു.ഐ.ജി മനോജ് എബ്രഹാമിന്റെ മേല്നോട്ടത്തിലാണ് അന്വേഷണം ഉള്പ്പെടെയുള്ള നടപടികള് പുരോഗമിക്കുന്നത്. മുന്വിധികള് ഇല്ലാതെയാണ് അന്വേഷണം നടത്തുന്നതെന്ന് ഐ.ജി പറഞ്ഞു. പ്രതികള്ക്ക് വാഹനം സംഘടിപ്പിച്ചുനല്കിയവരെക്കുറിച്ചും അന്വേഷണം നടത്തുന്നുണ്ട്.
ശനിയാഴ്ച രാത്രി ഒന്പത് മണിയോടെ ബൈക്കിലും ഓട്ടോയിലുമായി എത്തിയ സംഘം രാജേഷിനെ വളഞ്ഞിട്ട വെട്ടുകയായിരുന്നു. രാജേഷിനെ ആദ്യം മെഡിക്കല് കോളജ് ആശുപത്രിയിലും പിന്നീട് സ്വകാര്യ ആശുപത്രിയിലും എത്തിച്ചുവെങ്കിലും ജീവന് രക്ഷിക്കാന് സാധിച്ചില്ല. സംഭവത്തില് പ്രതിഷേധിച്ചു സംസ്ഥാനത്ത് ഇന്നു ഹര്ത്താല് ആചരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ